Osama bin Laden Sita: "Geronimo EKIA"
Thukante ciamtehna ah Osama bin Laden pen "Geronimo" hi. US President Barack Obama leh a thudotpi teng White House innsung The Situation Room ah tukhawm uh a, 
Pakistan gam Abbottabad khua ah Navy Seals te in Osama omna inn hidinga a upmawh huangsungah galsim uh hi. Tua pen Washington DC sunga Potomac luipi gei a CIA phualpi pan Central Intelligence Agency te Director Leon Panetta in a et theih ding un khahkhia hi. A video a khah kawmin Navy Seals te nasep gen toto a:
"Tun, a huangsung tungta uh hi.." a cih zawh a sawtlo in;
"Tun, Geronimo mel kimu thei hi.."
"Geronimo EKIA."
EKIA cih a khiatna Enemy Killed In Action (Galpa Galsungah Kithatta Hi) acihnopna ahi hi.
Kuamah paulo, phunlo, dai khipkhep in om uh a, tua leh a tawpna ah President Obama in, "Kiman Ta Hi" (we got him) ci hi.
Leitung langkhat pek pan President leh a lawmte Vice President Biden, Secretary of State Hillary Clinton leh midangte in Navy Seals te in leitung langkhat ah galsimna White House inn sung pan na et hit hiat uh hi. 'Hit hiat' cih hang a lungsim uh om hit hiat hetlo a, a guktat thei pen, a kidawm thei pen, gulhik cil nget banga a telsuut uh hih galsimna a hihkhialh khak ding uh lau mahmah uh hi. Minute khat zong ni tampi bangin sawt kisa hi ci liang uh hi. Nungak hel masak ding laitak kimuh ding lah ut, lah nervous, kihi ngitngut laitak tawh kibanglo dia! President pa nangawn suangtum bang kici liang hiven!!
Bangci et theih uh hiam cih leh galsimte in a lukhu leh puansilh tungah camera neute kithuah a, amau muh khempeuh maan kila in tua pen vanleng a hawl omlo Pakistan leh Afghanistan gamgi tungah leeng a, tua vanleng in vantung sangpeka Satellite ah khakto kik in, tua Satellite pan CIA Headquarters, Potomac Luipi gei ah puaksuk a, tua pan White House ah President leh a lawmte et theih dingin screen tawh kilak hi. Hih 'Live' transmission pen CIA te bek in a ngah hi a, tua pan White House bek ah et theih dingin a piak phei ahi hi. Numeite in 'lawm, nang kiang bek ah kong gen hi aw, kua mah theisak ken aw' a cih kawikawi bang uh hilel lo diam... ha ha...!
A lauh giugiau bang un a Hellicopter uh khat Osama huang sungah a tuk ciang a engine khawlcip a, a laih dingin Hellicopter dang khat hong pai kul hi. Hih galsimna khempeuh US te in Pakistan kumpi theisak vetlo a 'hih sim' ahih manin Hellicopter dang vaikhak leh Pakistan kumpi in a theih khak ding a lau mahmah uh hi. A theihma vua gamgi peel a Afghanistan gamah lut kik man ding cih a ngimna uh ahi hi. A lamdang mahmah pen US Navy Seals te leh Hellicopter in Pakistan gamsung kuamah theihloh in a lut theih uh ahi hi. Radar in zong mulo, Pakistan kumpi in zong thei manlo. Thei kha zenzen in Pakistan in lehdo hileh zong US kumpi in a huh ding Pak - Afghanistan gamgi ah na koih khinzo hihtuak hi!
Osama bin Laden ama inn a dawl thumna ah om mu uh a, a zi in hung sawmin a dal sawm leh Seals te in a khe kapsak uh a, Osama bel a awm ah kap in, a tal (a mit veilam tunglian) khawnga khat ah kap kik in, a khuak tampi lengkhia in a phual ah tuuk in a sipah hi. Seals te in a luang la in Black Hawk Hellicopter sungah lutpih uh a, Afghanistan gam lam zuanin a lenkhiatpih uh hi. Afghanistan a tun uh ciangin Osama takpi mah ahi hiam cih theihna dingin DNA test bawl uh a, tua khit ciang Osama pianna gam Saudi Arabia kumpi kiangah a luang puak ding maw ciin a dot uh hang deihlo uh ahih manin US Galkap Tembawpi USS Carl Vinson tungah ama biakna kivui dan ngeina khempeuh a zawh uh ciangin Arabian Sea tuipi sungah a phum uh hi.
Osama tawh a si khawm mi 4 lak ah a tapa khat zong kihel hi.
Osama pen telephone zong neilo, internet zong neilo in na om a, ahi zongin a innsungah Computer 5, DVD tampi ban ah flash memory tampi na kem hi. Tua khempeuh Navy Seals te in ciahpih a, DVD khat sung bangah Osama in ama video a etlaitak kilakna video khawng zong om hi. Amah zong amah leh amah na ki entertained hilo dia.
Kum 5 sung tua innsungah a om sungin khatvei zong inpua, huangpua pusuak ngeilo a, nisim in nai khat sungta bang nilum awi in innka ah tukhia zel hi. Tua simloh innsung bek ah kikhumcip a, kuamah in (a theite simloh in, a naseppihte simloh in) tua inn ah a omlam theilo uh hi.
I theihsa ciat mah bangin Osama bin Laden pen US gamah 9/11 a piangsakpa ahi hi. 9/11 cih pen September 11 ni, kum 2001 ni -a New York khuapi a linglawngsak, vanleng in World Trade Centre a phulsiat, a kicim cip sungah mi 3000 val a sihna ahi hi. Hih ni in US Galkap phualpi The Pentagon (Inn Kiu Nga Nei) zong vanleng khat in bawh a mi 300 val si hi. A dang vanleng khat Virginia ah kia in a sungah tuang khempeuh si uh hi. Tua pen kialo hileh, mite upmawhna ah, White House phu dinga kisawl hi kici hi. Tua zaha US gam leh US mipi a galbawl Osama a kithat pen US kumpi leh US mipite adingin a lungmuanhuai mahmah khat ahi hi. Tua manin President Obama in, "Tu in Osama sita ahih manin i tenna leitung nangawn galmuang tuam hi," ci liang hi.
Africa gam Tanzania leh Kenya a US Embassy bomb tawh a kapsiat ngei ban ah, WTC phualpi mahmah zong bomb tawh 9/11 ma in na kap ngei hi. Tun si nailo hileh a sawmna ah US khuata honkhat leh meileng zong kapsia lai ding cih ngimna a nei ahi hi.
Obama in Osama a thahna thu ah na lamdang tampi om hi. US in Pakistan kumpi hilhkho vetlo in Pakistan gamsungah gal va sim mawk hi. Osama om ding hi cih nangawn zong a upmawh thu uh hilh vetlo hi. US kumpi in Pakistan kumpi muanglo, umlo, seppih kul salo cihna hi. Genkhol kha le uh Pakistan in Osama nung na beeng dingin amah na kihemkhia hiau ding cih lau uh hi. Pakistan in "amau gam ah Osama omlo hi" cih pen Certificate pi khat banga a kisak theihpih uh, a kisuanpih mahmah khat uh ahi hi. A kigenna uh bang hilo ahih manin US in a taw leem ziau a, tu in Pakistan maizum in leitung khempeuh in a thumaanlohna uh theita hi, kici hi. Kawlngian bang pian hilo dia: kithei leh kuamah in thupi sim nawnlo pah lian, zuau gen kipahtawi ngeilo....he he he..
Osama sihna thu mun khempeuh ah kigen hi inteh. Facebook a CIAMNUIH GROUP ah zong:
"Osama tui sungah kipai ahih manin ngasa neek na kidawm un...ci pong..." a cih leh a nuai ah adang khat in kuppih a,
"Nu ei, en ngasa tawm man bel ci a hahkat taka na ne ziahziah hive hang... ci pong..." ciin dawng hi.
CIAMNUIH GROUP hi in group lo hita leh Osama thu leh huih nung in leitung zeel mahmah mawk ei. Tulai 'ci pong' cih zong hong thang simsim ahih cianga facebook zat ciang tua zong kihel hamtang phial hi.. ci pong...
"Geronimo" cih kammal zat hangin Indians te lungkimlo, mipi in lamdangsa cihte zong gen ding tampi om neunau lai ei, guai...
Hau Za Cin
Phuitong Liim
Pakistan gam Abbottabad khua ah Navy Seals te in Osama omna inn hidinga a upmawh huangsungah galsim uh hi. Tua pen Washington DC sunga Potomac luipi gei a CIA phualpi pan Central Intelligence Agency te Director Leon Panetta in a et theih ding un khahkhia hi. A video a khah kawmin Navy Seals te nasep gen toto a:"Tun, a huangsung tungta uh hi.." a cih zawh a sawtlo in;
"Tun, Geronimo mel kimu thei hi.."
"Geronimo EKIA."
EKIA cih a khiatna Enemy Killed In Action (Galpa Galsungah Kithatta Hi) acihnopna ahi hi.
Kuamah paulo, phunlo, dai khipkhep in om uh a, tua leh a tawpna ah President Obama in, "Kiman Ta Hi" (we got him) ci hi.
Leitung langkhat pek pan President leh a lawmte Vice President Biden, Secretary of State Hillary Clinton leh midangte in Navy Seals te in leitung langkhat ah galsimna White House inn sung pan na et hit hiat uh hi. 'Hit hiat' cih hang a lungsim uh om hit hiat hetlo a, a guktat thei pen, a kidawm thei pen, gulhik cil nget banga a telsuut uh hih galsimna a hihkhialh khak ding uh lau mahmah uh hi. Minute khat zong ni tampi bangin sawt kisa hi ci liang uh hi. Nungak hel masak ding laitak kimuh ding lah ut, lah nervous, kihi ngitngut laitak tawh kibanglo dia! President pa nangawn suangtum bang kici liang hiven!!
Bangci et theih uh hiam cih leh galsimte in a lukhu leh puansilh tungah camera neute kithuah a, amau muh khempeuh maan kila in tua pen vanleng a hawl omlo Pakistan leh Afghanistan gamgi tungah leeng a, tua vanleng in vantung sangpeka Satellite ah khakto kik in, tua Satellite pan CIA Headquarters, Potomac Luipi gei ah puaksuk a, tua pan White House ah President leh a lawmte et theih dingin screen tawh kilak hi. Hih 'Live' transmission pen CIA te bek in a ngah hi a, tua pan White House bek ah et theih dingin a piak phei ahi hi. Numeite in 'lawm, nang kiang bek ah kong gen hi aw, kua mah theisak ken aw' a cih kawikawi bang uh hilel lo diam... ha ha...!
A lauh giugiau bang un a Hellicopter uh khat Osama huang sungah a tuk ciang a engine khawlcip a, a laih dingin Hellicopter dang khat hong pai kul hi. Hih galsimna khempeuh US te in Pakistan kumpi theisak vetlo a 'hih sim' ahih manin Hellicopter dang vaikhak leh Pakistan kumpi in a theih khak ding a lau mahmah uh hi. A theihma vua gamgi peel a Afghanistan gamah lut kik man ding cih a ngimna uh ahi hi. A lamdang mahmah pen US Navy Seals te leh Hellicopter in Pakistan gamsung kuamah theihloh in a lut theih uh ahi hi. Radar in zong mulo, Pakistan kumpi in zong thei manlo. Thei kha zenzen in Pakistan in lehdo hileh zong US kumpi in a huh ding Pak - Afghanistan gamgi ah na koih khinzo hihtuak hi!
Osama bin Laden ama inn a dawl thumna ah om mu uh a, a zi in hung sawmin a dal sawm leh Seals te in a khe kapsak uh a, Osama bel a awm ah kap in, a tal (a mit veilam tunglian) khawnga khat ah kap kik in, a khuak tampi lengkhia in a phual ah tuuk in a sipah hi. Seals te in a luang la in Black Hawk Hellicopter sungah lutpih uh a, Afghanistan gam lam zuanin a lenkhiatpih uh hi. Afghanistan a tun uh ciangin Osama takpi mah ahi hiam cih theihna dingin DNA test bawl uh a, tua khit ciang Osama pianna gam Saudi Arabia kumpi kiangah a luang puak ding maw ciin a dot uh hang deihlo uh ahih manin US Galkap Tembawpi USS Carl Vinson tungah ama biakna kivui dan ngeina khempeuh a zawh uh ciangin Arabian Sea tuipi sungah a phum uh hi.
Osama tawh a si khawm mi 4 lak ah a tapa khat zong kihel hi.
Osama pen telephone zong neilo, internet zong neilo in na om a, ahi zongin a innsungah Computer 5, DVD tampi ban ah flash memory tampi na kem hi. Tua khempeuh Navy Seals te in ciahpih a, DVD khat sung bangah Osama in ama video a etlaitak kilakna video khawng zong om hi. Amah zong amah leh amah na ki entertained hilo dia.
Kum 5 sung tua innsungah a om sungin khatvei zong inpua, huangpua pusuak ngeilo a, nisim in nai khat sungta bang nilum awi in innka ah tukhia zel hi. Tua simloh innsung bek ah kikhumcip a, kuamah in (a theite simloh in, a naseppihte simloh in) tua inn ah a omlam theilo uh hi.
I theihsa ciat mah bangin Osama bin Laden pen US gamah 9/11 a piangsakpa ahi hi. 9/11 cih pen September 11 ni, kum 2001 ni -a New York khuapi a linglawngsak, vanleng in World Trade Centre a phulsiat, a kicim cip sungah mi 3000 val a sihna ahi hi. Hih ni in US Galkap phualpi The Pentagon (Inn Kiu Nga Nei) zong vanleng khat in bawh a mi 300 val si hi. A dang vanleng khat Virginia ah kia in a sungah tuang khempeuh si uh hi. Tua pen kialo hileh, mite upmawhna ah, White House phu dinga kisawl hi kici hi. Tua zaha US gam leh US mipi a galbawl Osama a kithat pen US kumpi leh US mipite adingin a lungmuanhuai mahmah khat ahi hi. Tua manin President Obama in, "Tu in Osama sita ahih manin i tenna leitung nangawn galmuang tuam hi," ci liang hi.
Africa gam Tanzania leh Kenya a US Embassy bomb tawh a kapsiat ngei ban ah, WTC phualpi mahmah zong bomb tawh 9/11 ma in na kap ngei hi. Tun si nailo hileh a sawmna ah US khuata honkhat leh meileng zong kapsia lai ding cih ngimna a nei ahi hi.
Obama in Osama a thahna thu ah na lamdang tampi om hi. US in Pakistan kumpi hilhkho vetlo in Pakistan gamsungah gal va sim mawk hi. Osama om ding hi cih nangawn zong a upmawh thu uh hilh vetlo hi. US kumpi in Pakistan kumpi muanglo, umlo, seppih kul salo cihna hi. Genkhol kha le uh Pakistan in Osama nung na beeng dingin amah na kihemkhia hiau ding cih lau uh hi. Pakistan in "amau gam ah Osama omlo hi" cih pen Certificate pi khat banga a kisak theihpih uh, a kisuanpih mahmah khat uh ahi hi. A kigenna uh bang hilo ahih manin US in a taw leem ziau a, tu in Pakistan maizum in leitung khempeuh in a thumaanlohna uh theita hi, kici hi. Kawlngian bang pian hilo dia: kithei leh kuamah in thupi sim nawnlo pah lian, zuau gen kipahtawi ngeilo....he he he..
Osama sihna thu mun khempeuh ah kigen hi inteh. Facebook a CIAMNUIH GROUP ah zong:
"Osama tui sungah kipai ahih manin ngasa neek na kidawm un...ci pong..." a cih leh a nuai ah adang khat in kuppih a,
"Nu ei, en ngasa tawm man bel ci a hahkat taka na ne ziahziah hive hang... ci pong..." ciin dawng hi.
CIAMNUIH GROUP hi in group lo hita leh Osama thu leh huih nung in leitung zeel mahmah mawk ei. Tulai 'ci pong' cih zong hong thang simsim ahih cianga facebook zat ciang tua zong kihel hamtang phial hi.. ci pong...
"Geronimo" cih kammal zat hangin Indians te lungkimlo, mipi in lamdangsa cihte zong gen ding tampi om neunau lai ei, guai...
Hau Za Cin
Phuitong Liim
No comments:
Post a Comment