Astrology pen aksi leh mihing nuntakna a kizop
dan sinna ahi hi.Numerology pen pianni nambat tuam tuamte leh mihing nuntakna kizopna sinna ahi
hi.Astrologer ten aksi lam leh numerology lam sinkhawm uh hi. Nidanglai Banulon,
Egyptian, Sumerian leh Greek ten aksi kihei dan leh nambat tuam tuam te mihing
nuntakna tawh kizopna nei dingin upna nei uh hi.Tuamanin astrological chart leh
horoscope na ngaihsun khia uh hi. Leitung a kimkot planet te kihei dan leh aksi
omkhawm constellation te kihei dan pen tua hun laia naungek piangte omdan tawh
kizopna neisak uh hi.Tua manin planet leh aksi te kihei dan tawh kizui in horoscope
bawl uh hi.
Nidanglai miten um mah mah mawk uh ahihmanin a dik zong om hi.Ahizongin 100% dik cih bang om ngei lo in 60-80% khawng bek dik hi.A tuat dan uh hih a nuaia bang ahi hi:
January 20- Feburary18 kikal a piangte: Mihing discipline nei khollo ut bang banga gamta suk ziau, midangte ngaihsutna thudon meel lo, na khat peuh peuh lam-en kawi kawi, a omdan ding genkholh a haksa leh mi tawh a ki tam thuah theih khollo hi nuam uh hi.
February 19 - March 20 kikal a piangte: Ngaihsut khawlhna a tam neih lo, sep khit cianga-a nung ngaihsut, na khatpeuh zo nai loa a tawpsan mi, mi cing(kiphal) leh mi kisuanglah hi nuam uh hi.
March
21-April 20 kikaal a piangte:Na khat peuh ah a masa a hi nuam mi, a heh baih, makai hoih
ahi kik bilbel, a kamtam, a lungsimza leh neek leh dawn zong a hai hi nuam uh
hi.
April
21-May 20 kikala piangte:
Itna a thupi ngaihsut, a beidawng hak, neek nop loh a nei khollo, a geelsiam khollo,
na ham zong a sem nuam lel,a sep ding khatpeuh a ngaihsun khawl masa leh mi
genhak hi nuam uh hi.
May 21- June 20 kikala piangte: Mi mawk awm theilo, mi phia, a thak khatpeuh a
deih phadeuh, lawm a deih leh lawm dinga zong a hoih, kikhawlpih a nuam,na khat
peuh peuh a um baih leh a thei baih ahihhang a lungsim kawi pian hi nuam uh hi.
June 21- July 20 kikal a piangte: Midangte a hehnem siam, midangte adinga kipia, midangte a thudon leh a maitai siusiau den, a lungsim na baih, a ngaihsutna a genkhia meng meng lo leh neek ding a lim deuh a deih mi hi nuam uh hi.
July 21- August 20 kikala piangte: A kiang ua om a nuam mah mah, a kineih siam, a phun hat lo, mi a ngah thei, vanzuak a siam leh summeet bawl lam a lunglut hi nuam uh hi.
August
21 - September 20 kikala piangte:Na khat peuh peuh a uang hih nuam phadeuh, ciamnuih zong a
siam mawhlo, nuntakzia a ki sangsak, a siangtho gamtat leh midangte zong a
sai(control) nuam mi hi nuam uh hi.
September 2I -October 20 kikala piangte: Inn sung zep nuam asa ngiat, khuak hat, amah leh amah zong dik a kisa, programme khat peuh host a siam leh midang a lungdamsak thei hi nuam uh hi.
October 21-November 21kikala piangte: Paukam na tak tak a zang, lau a nei lo, mi lungsim sia, ngaihsutna bel a naak zat mah mah leh mi lamdang diak hi nuam uh hi.
November 21-December 20 kikala piangte: Thuneu cik nangawn a thupi ngaihsut, thuakzawhna a nei, lawm a deih, ciamnuih siam, gualnopna lam a lunggulh leh zinkhiat nuam a sa mi hi nuam deuh hi.
December 21-January19 kikala piangte: Na khat peuh a hanciam, midangte a thudon, hunzatdan a siam, a citak leh a geelsiam mi hi nuam deuh hi.
No comments:
Post a Comment