Microsoft Fix it - Automated Troubleshooting Services

Monday, 11 April 2011

Microsoft Fix it - Automated Troubleshooting Services

Acer 4736 Laptop khat  DVD Drive in nasemlo  Troubleshoot bawl a leh Microsoft Fixit mu kha ing.  Tua Laptop ah abuai sak DVD Driver in Explorer na ngawn ah suak lo hi.  Device Manager va et a leh  Driver Missing na hi mawk...bang ci bang Driver Missing hi thei mawkmawk ding.. CD/DVD Drive te pen AutoDetect ahi ve.  Driver Missing ci in Driver Online ah ka zon leh mu peuh mah lo.  Zuau, kineih Website te download honpi khat sim zawh loh phial tampi mu.  Bang ci muh mah ding aomlo pi hi ven.
Tua leh Driver zong nawnlo. Bang ci bang, bang hang hici thei cih zong leuleu.  Pawl khat Forum te burning software hang hi thei ci, burning software khempeuh lakhia...piang thei tuanlo...Lampi dangh zongkawi zongkawi na pan Microsoft i Fixit va mu ta...Restart bawl zong kisam lo DVD Drive hoih pah lian. 

Tu malam in bel Microsoft i Fixit bel offline version hi in,  Win7 ah nasem lo hi.  Problem tampi bel bawl pha thei in, zat dan zong nuam wizard bangin sep ding hi ziau...ol mahmah hi.  Tun Fixit bel  Online service hi ta.  Win7 ah zong nasem ta.

I buaina te http://support.microsoft.com/fixit/ ah pai in zon ding bek hi ta hi.  Tua ciangin i buaipih penpen bawl phat na ding exe file khat hong pia ding hi.  Gen tehna in Mats_Run. CDDVD.exe bang dan hi.  Mats in Microsoft Automated Troubleshooting cih na dan hi aa CDDVD in CD/DVD buaina te hong bawlphat kik sak theihna Tool bang dan khat ahi hi.

Tua exe i hon takciangin Wizard dandan in Next bawl zel peuh leeng Problem te hong bawlphat sak pahpah hi.  Internet Connection i neih ding kisam bek hi.  Lemtang mahmah ahih manin Window error khat peuhpeuh apian ciangin Fixit manngilh loh ding thupi hi ci in tawm tha hong pia nuam ing. Ref.itmen