Zogam Etlawmsak Rih Tuilipi

Last Updated on Monday, 21 November 2011 21:17 Written by Admin Monday, 21 November 2011 21:05

Share9

Zogamah Tuili lianpen ahi “Rih” tuili kici pen a liatna akimkot tai (miles 3) bang zai-in lungtang lim tawh kibang a etlawh mahmah hi. Hih tuili pen nidang lai pekin Mizoram Muaklawi khua Sabengpa khat in na mu masa pen kici hi. Mikang kumpi hong khan ciangin hih tuili sungah na manpha tampitak om ding hi, ci-in um mawh uh ahimanin a kiu khat panin tua tuili hei khiat ding kipanin lei na to khia ngei uhi.

Tua bangin tui a heikhiat sawmna hangin thakhatin huihpi le guah kithuahin meilom kai-in vanging in khuahhun sia lua ahimanin mikang te’n a nasep uh khawlin hei zo nawn lo uhi. Mite’ gen ngei thu khatah, ni dangin  hih Rih gamah Sabang ten’ Sai a kap uh ciangin hih tuili sung kidenna (lut)pahpah uh ahimanin kuamah in Sai man zo ngei mahmah lo uhi, kici hi. 1942 kumin Rih khawdar khua kisat pan hi, ci-in mual suang tungah kiciamteh hi.

Hih Rih a lam danna khat leuleu ah tuili tungah singteh kia a om leh vasa te’n lakhia pahpah kici hi. Tua banah hih Rih tuili pen kum khatin khatvei kilokin ninzel hi, kici-a, tua bangin akilok ciangin inn ah a kila Rih tuili tui thawl tawh a kikoihte zong nin pah lianlian , kici hi. Rih tuili sungah vasa pawl khat tenga tua pen Rih ak kici hi. Tuili tungah a vak ciangin a ngawng dawk sakzel, tumzelin om a, muhnop kisa mahmah hi. Tuhun lamlam ciangin gamsung bek hi nawn loin gamdang pan khualzin mite (Tourist) te in muhnopsa in limet mahmah uh hi.

Tuili tungah gunkuang gol khat tawh kivak thei a, mi khat ciang Ks. 500/- ngen uhi. Tuk hun, Phalpi hun, khuakhal hun cih om loin Rih tuili en mi tuamtuam pen ei Kawlgam lam pan sangin Mizo gam lam pan hong pai mi tamzaw den hi. Nisimin Mizo gam panin Rih tuili en ding bekbekin Motor 4 le 5 bang pai den uh hi. Tua ahih manin hih Rihli pen Zogam le galkhat lam i mipihte tawh kikal ah kipumkhatna lim hong lak hi.

By: Rev. Than Za Cin,(AGS, ZBCM)

PDF file simnading ahoih mahmah Foxit Reader

Aki gelhni: 04 November 2011

Agelh: ZomiDaily

Bangzahvei kisim: 144

Share

ZomiDaily :: Lawmte khatin PDF file te simtheih hontheih nading bangzangleng hoihdinghiam ong ci a, ZomiDaily pan Foxit Reader thu aki gelhsa Link tawh khakziauding kacih vialleh muzolo, tualeh kazon kikkik ciangin agelhkhin kaki sakleh agelh nailodan nahihtuak zawmawk hi. Tuahang in Foxit Reader thu tomkim konggual sukpak a, Product thak hilo ahih manin atheisa tampi omding a, atheisa te'n athei nailo, azakha nailote adingin aki gelhhi cih nongtheihsiam nadingun kongthum masa hi. Atom in PDF akici Portable Document Format namkhat aki simtheih nadingin PDF Reader namtuamtuam om a, tualak ah amawk in aki ngah ahi Foxit Reader pen zatnuam mahmah hi.

Nidang in mi pawlkhat in PDF hontheih nadingin Adobe Reader limzat lualiang uh ahih manin, Adobe Reader lotawh PDF aki hongtheilo dingin atuatbang omtheiliang hi. Ahi zongin tua Adobe Reader sangin Foxit Reader pen PDF sim nadingin manlangzaw leh a Filesize zong neuzaw ahih manin zangzawtham kici ciat hi.

Foxit Reader pen Foxit Corporation te ongbawlkhiat uh hi a, ki limzat mahmah in mi 100 Million Users valin zanguh ci'n a website tungah gelh uhhi. Foxit Corporation pen 2001 kumin aki pankhia California Headquarter in anei Software Corporation khat hi a, United States sungah Offices tuamtuam aneih kawikawi banah China, Japan, Korea, Taiwan gamtuamtuam ahzong Office neikawikawi uhhi.

Foxit Reader ahoihna atom inzong a website tungah hih anuai abangin pulakkhia uhhi.
Fast - so you're not waiting forever to read files.
Lightweight - so it's easily deployable and doesn't exhaust system resources.
Secure - so you don't get infected with viruses and can keep sensitive information safe.
A Platform - so you can extend the Reader by creating your own value added capabilities for internal use or for resale.

Tua hi'n PDF file te simtheih nadingin PDF Reader nadeihleh hih http://www.foxitsoftware.com/downloads pan amawkna in ki download theiden hi. Foxit Corporation te'n ahoih zawding in apuahphat tohtoh uh hi a, tulaitak Version 5.1 hito tahi. Version 5.1 akipan Skin Color zongpen Classic, Black, Blue, Orange, Purple cihbangin aci deihbangbang kitelthei hi. Adang ahoihna tampi te natheih nopleh nazangsin lecin telpanding hiteh. Lungdam! ZomiDaily

Nuntak hoih nading

Nuntak hoih nading

Aki gelhni: 06 November 2011

Agelh: Job Khupsang

Bangzahvei kisim: 73

Share

Nuntakna, Kepsiamna leh Etna (Keep Life in Perspective)

1. CIDAM NADING;

[1]. Ni sim in tuisiangtho dawn den in tam pi pi.....
[2]. Zing an tam pi pi ne-in nitak an tawm nek in.
[3]. Singgah thei puam leh mehteh mehgah lam tam nek zaw in.
[4]. Tha neih na, tha piak na,tha lawp na cih tha thum tawh nung ta ding [3 E'S Enery, En thusiasm, Empathy].
[5]. Pasian thu thuk ngaihsut na [Meditation] pumpi suak ta-in kha tawh nuntak theih na ding leh thunget na ding.
[6]. Ki mawl na tuam tuam ki mawl ding.
[7]. Laibu tampi sim kawi kawi ding.
[8]. Ni khat in a tawm pen minit [10] dai dide sa-in thu ngaihsut na-in zangh in.
[9]. Ni sim pong maan nai [7] ta ihmu ding hi.
[10]. Ni sim pongmaan minit [10]pan minit [30] ciang bang maitai sa-in lam siau den ding hi.

2. PUMPI LEH MEL PUAKZIA;

[11]. Na nuntak zia midang te tawh ki teh kak kak se dah in.A mau kalsuan zia bangci geel uh cih na thei kei hi.
[12]. A hi thei nawn lo thu te siat ngaihsut lak den nawn ken a pha lam bek-in la zaw-in.
[13]. Na sep uang lua ken, na hih zawh tan ciang bek thei in sem in.
[14]. Nang leh nang hi ki sa kei-in mi kim in zong hi ki sa khin ciat khol lo uhhi.
[15]. Thu cin thu tang gen na tawh na hun tha tang mawk bei sak kei zaw-in.
[16]. Na ihmut loh sungin na lunggulh thu te geel geel sa-in nei den in.
[17]. Mi en na-in hun bei sak lel hi. Na ki sap teng mah a nei khin hi lel hi teh.
[18]. A bei sa hun thu buai leh thu piang te mangngilh lel in na pasal/zi in a bei sa hun in a hih khelh a bawl khelh nate pulaak kik kik nawn kei in. Na pulaak den leh tua in tu mah mah in zong hong lung nuam sak lo ding hi.
[19]. Mi khat peuh muhdah et sat na tawh tomkaal sung zangh kei-in mi mudah se kei-in.
[20]. A bei sa hun te lungnop ngaihsut le cin tu ni-in zong na lungsim hong buai sak om nawn lo ding hi.
[21]. Na nop sak na ding nang tung bek ah ki nga hi.
[22]. Nuntak na-in sangkah tawh ki bang hi.
[23]. Mai tai-in nui lua lua zel zel in.
[24]. Mi tawh ki sel na peuh ah tungtuan gual zawh nop kiim dingin ngaihsut na ki bat loh nate ah san siam theih ding hi zaw hi.

3. USUNG LEH NAUSUNGAH [Society]

[25]. Na innkuan pih te tawh ki zom kin ken den in.
[26]. Ni sim in thupha khat peuh peuh midang te tungah bawl den in.
[27]. Mi te mawh na peuh mah mai sak zawh sawm den in.
[28]. Kum [70] tung siah leh kum [6] nuai siah te tawh ki tam kholh zaw in.
[29]. Ni sim in a tawm pen mi [3] ta bang nui sak zo den in.
[30]. Mi te'n nang hong bang ci muh cih pen awl mawh se dah in.
[31]. Na dam loh ciangin na sep in hong awl mawh zaw lo-in na lawm te tanu te-in hong lung hih mawh zaw uhhi.

4. NUNTAK NA [Life]

[32]. A dik a pha na te bek sem in.
[33]. Ki man na nei lo hoih meel nei lo leh deih huai lo na te pai khia zaw in.
[34]. Pasian in bang kiim ah hongdam sak den hi.
[35]. Bangzah ta-in tuah sia in tuah pha hi ta leng hong ki khel hun tung dinghi.
[36]. Nop mawh na sak hangin na hoih sep ding a hih nak leh ki thawi-in na puan silh in laa, mapang tei tei zaw-in.
[37]. Nang ading a hoih pen pen hong piang lai ding hi,cih thei-in.
[38]. Zingsang na khan lawh ciangin Topa tung lungdam ko den in.
[39]. Nang ma sung tawngah lung nop na om den hi; Lung muang lel in.

Hih thulu [39] tawh tha la sawn tek ni ei. Hih pen ZOLUS laibu sungah S/M Cing Khan Lun gelh pan kong hop sawn a hihi.

Deih sak na lianpi tawh.
Job Khupsang
Dumas, TX, USA