BISHOP FELIX LIAN KHEN THANG THUGENNA

BISHOP FELIX LIAN KHEN THANG THUGENNA

Written by Tongsan Pu Thursday, 30 December 2010 16:33

Share

 

My song and Sayings, others 

a). Sim leitungah mim bang piang buang, laizom pianpih ciin leh tuai, Zo vontawite va bang pil ding tup in lian pen e.

b). Zo vontawite va bang pil ding tup in lian pen e, zatam lai-ah heisa bang pal gualtung tuan ding hai bang ngak lang e. 

1. Kei bang Zomi lel khat, vaimim leh gataam tawh khangpa-in pilna sangpi sin a, maangkaang maangvomte lah ah maatutna ka ngah zawh na-in: "thungetna leh hanciamna", hang ahi hi.

2. Kei aadingin holy days cih bang om lo-in, lawmte'n nai khat lai asim leh ke'n nai nih bang kasim tek mi nung mimaa a kiban zo pan ka hi hi.

3. Ih sangnaupang hun sungah, thadah leh apieu laihsana-in phat tuamna hong pia vet lo ban ah a kizang theilo khat ahi hi.

4. Rome om sung, ka lai vuan lai tak in, ka nu' sihlai ka ngah a, ahih hang dah man hun ding ka pia zo kei hi.

5. Pilna picing i ngah khit tek, i sep nop khat peuhpeuh sem leng mi nuai ah ki om lo zaw deuh hi.

6. Ngimna tupna a san leh gim zek tawl zek kisam hi. (High aim, high price).

7. Tu laitak hun pen, mipil taktah tam phalo-in, a kipilsak atam mahmah hun ahi hi. A kipilsak teng in mun ngah in, a pil taktak te’n ngah khin zo nailo ahih man in, i gam khangto zo nailo ahi tam?

8. Ei Zomite'n sum leh paai i thupisak a, pilna i nunun hi.

9. Athak khempeuh zong hoih kim lo a, alui khempeuh zong sia khin tuan lo hi. (Sangmang Hau Go)

10. Ih pu ipate pen lawki Christian  a na hi uh a, eite pen Christian lawkite i hi hi.

11. Ih pu i pate' ngeina hoihte nuntakna Pasian kammal tawh phungvuk siam in, no suak sak ni, nuntak pih ni.

12. Ih gam i lei tulta keuta ci-in nusia in taisan kei ni. Isreal mite mah bangin ih gam i lei zunsiam puahsiamin nuntak gim namsak kik ni.

13. Ih pilna leh ih siamnate Pasian minthan nading leh i mi isate aa dingin zang siam ni.

14. Ih mi i sate in, gilkial pen na sa mahmah in, ahih hang laitheilo pen phamawh sa tuan nailo, awlmawh tuan nailo uh hi.

15. Tu hun pen thugen (agen) siam mi tam in, a sep siam mi ki tam nai lo hi.

16. Lai Siangtho nuntakna kammal kisim ngeingai napi'n, a nuntakpih kitam nailo hi.

17. Ih gam pen B.A. ong vive te'n, lo kho sing puo-in, Kumpi na leh Pasian na khut kilen-in i sep khawp ngei ngai ciang hong khangto mahmah ding hi (cf. Sangmang Johnson).

18. Thu ngaih ki han ciam tei napi'n, zuih kisawm, nuntakpih kisawm zo nai lo hi.

19. Tu nia na zawh ding nasep khat pen, zing ciang cia nel siahin, azing ciang azah nih na sep zawh kei leh ni khat ai a sum na hi hi (English Proverb).

20. A zawng ciatciat, apilpa/nu mah kilawm zaw; ahau ciatciat, apilpa/nu in sawt khawm zaw; amel hoih tuaktuak, apilnu mah ngaih baang zaw; hai a mel hoih sang, mel hoih lo a apilpa/nu kizang thei zaw; apil tuaktuak, thu-umte mah in khantopih zaw lai.

21. Ei mite pen, sum leh paai leh neihsa lamhsa bek hilo; ngaihsutna, thupi khualna, ki-itna, thumanna, thu-upna, ki niamkhiatna, pilna ciimna, thu theihnate ah zong ki zawng lai mahmah hi. Tua banah, omdan khawldan, gamtat luhek kampau ziate zong kiniam lai mahmah hi.

22. Tu laitak ih neih hunte zat siamna-in, mailam khanto nading kipatna siksan/pansan hoih pikhat ahi hi.

23. Mite' nuntakna lapsang sakna-in, nang' nuntakna a sang pen ah hong tungsak hi (By elevating the lives of others, your life reaches its highest destination).

24. Lungdamkoh siamna in, ngah kikna ding tuinaakpi ahi hi.

25. Natup na ngimna mitsuan gige in.

26. Na nuntatzia-in, na ngimna leh na ngaihsutnate hong kilangh sak hi.

27. Ih nisim nuntakna ah ih tuak, gimna tawlna, dahna kaihna, hamsat lunglennate in, thu hong ngaihsunsak mahmah a, tua in khantona leh picinna lam ah hong tonpih hi.

28. I pu i pate in, lungdamna Pasian kammalte na nuntakpih khin uh ahih manin, ngeina hoihte tawh picingtaka anungtate ahi uh hi.

29. I nuntak sungin, veng leh paam le i kiim i paam a om singkung lopa, ganhingte tawh kilemtaka om khawm diamdiamna-in vantung gam malepna ahi hi (cf. Dr. Do Sian Thang).

30. Eite-in ni sim nai sim a piang thu leh la leh nate tung panin, thuman thutak i zong thei ding kisam hi. (We seek truth in facts)

31. Mipawlkhatte-in, van tunggam a kinileh bang kek khat in, a nopna ciiltui kai liangin Lai Siangtho tawi kawm a a gengen hang, leitung nop nading leh kepsiam dan ding, i lei nunna ah, van nunna i tunsakding ki phawk zo nai lo hi. I vantung thungetna a mawkna pi hi lai zen hi.

32. I mite pen antawk ding han ciam, sum leitawi hang mahmah napi’n pilna tawk dan siam zo nai lo deu.

33. I mite pen zindo dan (innteek sepdan) zong kisiam zo nailo ban ah zintun dan zong kisiam lo phadiak, zin hoih zin gina hih ding gamla lai mahmah hi (I kim i paam pen innteek hi-in, ei leitung mite pen zinte i hihi). Ei Tedim mite’n zin koicido cih pen ngaihsut huai mahmah hi.

Topa sungah kongit, sangam u leh nau, nu leh pate, ih pu ih pate in a beisa kum 100 lai dongin, dawi (pusa pasa) nabia uh hi. American Baptist Missionaries te leh Foreign Missions of Paris (Piantit topate) tungpan, Topa Zeisu hong gupkhiatna, lungdamna thupha ana kisan siam ahih manin, tu-in eite in, Christian te ih hihta hi. I Zomite ki ciaptekna ahi Zo vaphual lim ih thupisak ma bangin, Christian te i ki ciaptekna ahi, Singlamte lim zong ih thupisak zaw kan laiding kisam hi. Ei Zomite-in, mual dawn leh biak-inn dawn khawngah Singlamteh phuh ding i han ciam mah bangin, i lungtang satak tungah phuh ding hun ta hi. A singlamte tawh nungtak tawntungna hong piak bek thamlo in, Topa Zeisu in, Singlamte pen, thuhilna tokhawm bangin hong zaang lai a, tu nidong in eite in bangci gamtat luhek kampau dinga, bangci lampi tawnding cih hong thuhilna, “Kei-in, lampi kahi hi. Thuman thutak kahi a, nuntakna zong kahi hi”, (Jn, 14:6) a cihna tawh hong kipsak lailai hi.
Tua ahih man in, Singlamte pen, nisim naisim i nuntatna sungah, ih etteh dinga Topa hong piak nuntakna liimlang, i ki tawitekna, i pikhau, i ciantuai, i tuitai leh i gamhoih penpen (Criterion of Christian Life) ahi hi. ‘En un, hing ta un’, (Num. 21:4-9), ci-in la a ih sak mah bangin, Singlamte pen, kimuhdana, hehna leh kithangpainate a om na munah ki–itna leh kilemna; a ki phasakmite adingin kiniamkhiatna; khat leh khat kitelkhial nate a omna ah mawmaisakna; ci leh sa nopsakna sungah kidiah in mawhna sungah a koltangte adingin, suatatna leh hinkikna; a zultatte leh a zuautheite adingin, citahna leh thumanna; kisimmawna leh kiniamnetnate a om na munah kizatakna; alungleeng akhuangaite adingin, kihehnepna ahi hi. Singlamte tawh ih nuntat a, ih kalsuan ciang bek in, Pawlu tawh kibang in, “Singlamte tungah Topa Zeisu tawh ka kikhaikhawm zo a, tu’n kei a nungta hinawn lo, Zeisu ka sungah nungta hi”, ih cingam pan ding hi. Topa Zeisu tawh ih sikhawm a ih thawkhawm leh, Moses leh Tuuno la (Ex. 15:1-21; Rev. 15), Alleluia (Praise the Lord), cih gualzawna leh lungdamna lapi ih sak ziazia dinga,Amen (so be it), hi tahen, ih cina in zong khiatna hong nei pan ding hi. Tua in, Christian picingte i nuntatzia ahi hi.  

Cope Topa kum 100 cin Jubilee phawkna pawi ih bawlna ding ah, a masa penpen in, Topa tungah lungdam kohna ih nei masak ding kisam hi. Banghang hiam cihleh i nuntakna mahmah Topa thupha hi a, tua nuntakna thupha pen, Topa thupha lo tawh mainawt zo lo ding hi cih phawkin thungetna tawh Topa a bel siam, Christian picingte i hih nadingin hanciam ni.  Israel mite sekneelgam sungah Pasian in, zan in meikhuampi tawh ahi zongin, sun in meeikhuampi tawh a makai ma bangin (Ex. 13:21), Topa’n eite zong, a taklam khut tawh hong dal, hong cing, hong kem, hong makai tawntung in, ihmaa hongtunpih ding hi. Tua hihleh, Samuel mahmah in, Cope Centennial Jubilee MualsuangEbenezer hong phuhkhawmpih kik dinga, Topa in tuni ciangdong, hong keem, hong gualzawhpih leh hong sihpih hong hindenpih ih Pasian ahi hi (cf. 1 Sam. 7:12), ci-in ih kisial, ih ki-angtaangsak ngam pan ding hi.

Ih Zogam, Tedim mite lakah Pasian' deihna i kicin sak nop leh Christainte kipumkhatna (Ecumenism) i seploh phamawh hi cih phawk ni. Khatkia kikhuasa zo ngei lo hi. Tua ban ah, Christiante kipumkhatna in mihingte phuahtawm thu hilo-in, Pasian sawlna (divine imperative) hi zaw hi. Hih thu pen mihingte deihna hi lo-in, Pasian gelna hi zaw ahih manin, ecumenism pen missionthupi mahmah khat a i koih ding kisam hi. Ei Christiante pen, Topa sungah kipumkhat in, khut kilen, ma pang khawm a, i minam leh i gam i lei apuah khawm a zun khawm dingte i hi hi. Kamdang khat in ci lehang, Pasian gam pen hih leitung, a diakdiak in i Zogam ah hong kiphuh theih nadingin, ei Christiante in pumkhat sakhat i suah ding ki sam hi.

Christian biakna, lungdamnathu i cih pen vantunggam a ding bek hi lo-in, tua vantunggam lei-ah hong tungsak pen lungdamnathu ahih lam phawk siam ni. Christian biakna i cih zong lunggulh biakna bek hi lo-in, nuntakpih biakna leh sepkhiatpih biakna hisak ni. Tua ahih manin ei Tedim Zomi Christiante in kum zalom sawmnih le khat sunga i nuntak zia dingte gel khawl khawlin, mission kum zakhat a cinna kum 2010 ma in i nuntakna sungah biakna le ngeina tawh kituakin picing tak a i nuntak zawh nading, Pasian kammal tawh i upna le i gamtat i luheknate i nuntakna sungah i nosuah sak zawh nadingin han ciam ni.

Tulaitak Christiante dinmun:

(1) Tulai Tapidaw biakna sungah vai khat peuhpeuh i sep ciangin, Tapidaw masate hun laia bawlsiat, simmawh, cilphih a nathuak lawh uh a nusiatsa animism dawi biakna leh zu lo-in kiphamawhkik hi.

(2) Lawki Zomite misi bangkua ah sibawlte sikemte simloh in ankeu liik lo ahih hangun, Tapidaw Zomite in misi bangkua ah zu leh sa a kham a neek mateng lungkimlo uh hi. Ei Christiante peuh mahin, tuilum bek tawh nuam khawm dah khawm a, Topa deih dan a i om zawh nang han ciam ding kisam mah mah hi. Vai khat peuhpeuh ah meh ciangbek tawh lungkim lo/phasak lo uh a, saluang simin salu suang uh hi. Animism thupi/phamawh kik mahmah ahih manin, Tapidaw pawlpite pen a si a nuamte bangkua sungah innteek zo nawn lo, vaihawm zo nawnlo-in, zuhai leh sabak bekmah in thu hong nei zawta hi.

I Pawlpi pen eimau thuthu a i kawiheek ding, i pei lengleng ding hilo-a, thu um/zui mite i hih leh Pawpi thukhun i zui ding kisam hi. Jesuh sisan sungah kizual zo nailo hi. Beh leh phung kipawlna pen hong ultung kikin, ki thupi sak mahmah ahih manin, Pawlpi i cih zong, kipawlna society dan khat bek ciangin, kineu seek ta maw hi. Himah taseleh Ministerte in a mipi/a thuzuite uh Pasian thu thuk pipite muam thapai uh ahih manin, amaute-in valh zolo ne zolo napi’n limsa in, thei tamin, tel kuam om lo dan in ki om hi (the discovery of Zoland by Gougin, 1980, page 2).

(3) I gam tulta, mi nam dangte lakah sal leh innteeng sila kisuak. Mizo gama nasem pawlkhate bang, akamphate’n pi hoih pu hoih amuh uh hang akamsia vanglakte pen  kivel kisat ton sial ngawh a hong kigo lel dankhat hih tuak hi. Hehpih huai zong hong kisa nawnlo. Sal suahna thu ki ngaihsun lo-in, khitui tawh i thalawhsa sumpen a hoih a pha leh Pasian deihna lam ah zat ding ngaihsut lo-in, Pasian thupha hi ci-in phualneekin mitphiat kalin gaihtum ding i sawm ta zen hi (Sia Gin Khan Khual; It seems that they want to make history of eating and drinking only, the discovery of Zoland by Gougin, 1980, page 61). Ei Christiante pen Christianism Pasian upna lam pan i nusiatsa animism dawi vai lam tengah i ciah kikta hi (cf. 2Pet. 2:22; Prov.26:11).

(4)  Leitung bup huam in, mipil, misiam, mi minthang, mi khuasuak i om tei hang, a tamzaw tawh zing vai nitak vai ki hawm khawm thei lo hi. Tedim khuapi ah Zo lengthe khuang nawnlo, Tedim Sangpi Golden Jubilee innpi ki lam zo nailo, Haiciin lui kikhe zo lo, Sialtaang tui ki khamlo semsem, tuisik takpi ki tawlmeek liang in i kituh niloh hi. Thumanlona gah a lo/a ne i hi hi.

(5)  Ngeina kician nei ngeilo minamte bangin i om a, niik nangawn puan in kisil in, tawngnok (puandum) pen niik in kiteeng ta leuleu hi. Zum huai hi. Ngaihsut huai hi.

(6) Tulaitak pen, i Ministerte in mipi a makaih ahi uh hi. Leitung leh Vantung thu amaute khut sungah om hi. Amaute in zong ‘Zomite khantohna pen Pasian hang bek mah hi’, ci-in thudangte thawl sak zolo uh hi. Kimakaih khialta i hih manin, Gongkhak thei; Khansih thei, Innmang thei cihte peuhmah Zomite ngaigsutna lungsim sungah teeng nawnlo in i zulhzau mang gawp ta hi.  Ei Christiante in Pasian hehna a thuak tak ciangun, Pasian dan ci lo-in, ‘Dawi peh’ peuh ci zaw sawp uh hi. (the discovery of Zoland by Gougin, 1980, page 48).

(7)  Pawlpi tam semsem pung semsem 100 bang val liang leh kilawm, ki-itna leh ki pumkhatna peeng semsem. Hazatna, kielna, phulakna, kibawlsiatna khang semsem, mawh maisakna, kizaktakna, lungduaina teng veng semsem, Kha gilo, Khanin gah tam lua, Khasiangtho gah om phalo, Christiante nuntakna ah Khasiangtho nuntakna gun mei bangin thengta (cf. Gal. 5:22-23). Pasian thu um/Pasian nasemte'n sum vai leh numei vai cihte tawh Pasian min ki daisak hi. Thu-umlote kizozo nailo-in, amau in hong zozaw ta hi. Mopawi nopci ding ki hanciam tek na ven, innkuan nopcit ding ki vai hawm zo nai lo. Zomi innkuan sungte ah, Teek leh mote ki lemlo pha deuh. Tate'n zong nu leh pate thu mang nuam nawn phalo. Inn kuansung limcit lona-in pawlpi sung hong lawh to hi.

Biakna upna tuamtuam hangin ngeina van manpha tampi mei tawh kihal tum ta. 1990 kum pawla kipanin Zogamah BEH thu hong kikin kik leuleu-in, a ki-it a kingai sapipite zong hong ki-it nawnlo hi. Beh pawi khawng, khua pawi khawng a uang takin ki bawl ngeingai . Tua tawh khawl lo-in, biakna pawlpi sungah zong beh in thunei kawmkawm ta hi.

(8) I Pawlpi tekah, biakinn hoih, inn hoih lo hoih lam ding ki han ciam tek napin, thu-um kician, thuzui hoih hih ding kihanciam zo nai lo hi. Lai Siangtho anungta Pasian kammal zui-in nuntakpih ding sang, Lai Siangtho pen ei deih dan bek in, ki deihkaih pian ta maw hi. A dang khat in cileng, Lai Siangtho in ei hong makaih in, a deihna i zuih ding sang, ei i deih dan hat in kitawi ziau in, cim phawng dan khat bek in kisim lel a, Pasian kammal pen nungtakpih ki sawm zo nai lo. Pasian kammal, Lai Siangbu, Zomite’ bangkuan sungah, zin tang lai, zual zo nai lo.

(9) Ei Tedim Zomite pumkhat suah theih nadingin:

      *Lai Siangtho kammal proper namete kibang sak ding (Matthew, John etc..),

      *Topa thungetna (Vantung thungetna) namkhat version khat bek nei ding,

      *Zomite Pasian phatna labu namkhat ahi ciangciangin,

      *Sunday school pai zia leh Zolai zat dan leh hilh dan,

      *Christian common culture/minam lapi neih ding cihte a phamawhin kisam hi.

Hihte pen thu taangzai, thu haksa mahmah hi napi’n, ngaigsut thei leng a olno mahmah khat hi ta leuleu hi. Bang hang hiam cih leh eite pen animism dawi nusia in Pasian Christianism a angpomte i hi a, Christian ngeina thak tawh i kalsuan zawh nadingin, i Missionaryte in hong pattak sate i hi hi. Hih thute, Missionary te leh Tapidaw masate-in Church conduct/precepts a na bawlsa uh hinapi’n, i mansuah leuleu hi. Pierrie Gheddo kici RC Topa khat in ama gelh,'Bang Hangin Leitung Thumna Third World Gamte Zawng Uh Hiam?' cih laibu sungahleitung thumna gamte a kici Asia, Africa leh Latin America gamte ah biakna pawi leh ngeina pawi tuamtuamte tam lua ahih manin sum khol man/theilo uh hi, ci-in gen hi. Leitung/ngeina pawite biakna pawi dingin i laihna ah hih thu kidop ding kisam hi. Biakna pawi, lungdamkoh pawite i bawl ciangin sum a khengvalin mawk zat ding hilo hi. A thu (Message) thupilak ding hizaw a, a kihel mimal kim lungnuamtak in kilawmtatna a neih theih ding uh thupisak ding kisam hi. Nuntak khuasakna a sukha zah dong dingin sum tampi beisak-huai lo hi', hong ci ngiat hi.

Tua ahih manin, ei kiangah zong, si-in bei thuah; nuam in bei lua, ahih nawnlo nading hunta hi.Tu ni pawi bawl, zing ciang anngawl ci liang pen ngaihsut huai mahmah hi. Khiatna neilo beinate Pasian min tawh peel zo leng, noptuamna, khantohna leh picinnate-in hong nungzuih pah ding hi. Saul kumpipa in Pasian maipha a ngah lai tak in, a upna zong picingin, a gam sung pan dawi siam, aisan thei teng khempeuh hawl khia hi. A hih hang, Pasian in amah hong nusiat ciangin, upna lamah zong hong thanem tak teh, a hawl khiatsa En-dor khua a, dawi siamnu hong dawt bawl mah bangin (1Kings 3:3); tu lai tak i Christian tawn ziate i et phat kik kei leh thei lo phawklo kal-in, from animism to Christianism pan from Christianism to familism, clannism and tribalism, nepotism, privatism, personalism, semi-paganism etc. dawi nusia in, Pasian i angpom hang, Pasian nusia in inn kuan, beh leh phung din mun, kipawlnate ah i tun kik ding lau huai hi.

I nusiat dawi biakna, i hawlkhiatsa dawite, tuni-in Christiante bangkua sungah thu hong nei kik in, hong zual kik leh ki lawm sa ing. Naboth in kumpipa Ahab kiang ah, hih leeng gah huai, kapu kapate gamh pen nang kong piak ding Pasian in deih lo hi na ci ngeu hi. Amah in a sisan a luan dong a huan na cing na kem hi (1Kings 21). A pu a pate ngeina leh a upna khah suah peuh mah lo hi. Tua mah bangin ei Christiante in zong, Pasian hong piak ngeina hoihte leh a diak diak in Pasian i gamh hoih pen a hi, i upna pen Isau banga an kuang khat peuh, na dang khat peuh tawh i khek hial lo nadingin, i han ciam mahmah kul ding hi. Pasian thu hong tunzawh kum zakhat khitteh Zomite in i lungngaih kik ding pen, "Eite sungah Lungdamnathu in zung a kha taktak hiam? or I upna, i ngeina leh i thu up zia leh i thuzui ziate a kizawi tawn hiam? cih thu ahi hi.

Tua hi-a, Zomite ngeina tawh lungdamnathu nuntakna Pasian kammal sang thei lehang Zomite Christian picing taktakte i hi dinga, Christ in zong Zomite Topa taktak hong hiding hi. Tua ciang bek in, Zomi Christiante in, kha thu ah, taksa nuntakna ah, pilna siamna ah, Pasian thuthuk/laigil ah cih bang in, a ciang a ciang pan in, din mun namkim pan lawh cingin i khangto pan ding hi.

Aw, tun leh zua ciin leh tuai, piangpan momno gualte, ih zaaitha patbang neemsak kei ni. Baanzal ziatsuan kilen kawm in, ih mailam nawi ciat ni. Mimbang pianna, pupa gamnuam, Heisa paakte apallunna, Zo vaphualte a gual nopna, etlawm gamnuam Zogam kuam ah, Sian sinthu cibang the in, Sianmang vontawi, Zeisu min, Heisa paalbang lunsa dih ni! 

Caritas in Veritate, Benedict XVI: 

Only in truth does charity shine forth, only in truth can charity be authentically lived.Truth is the light that gives meaning and value to charity. Love comes down to us from the Son. It is creative love, through which we have our being; it is redemptive love, through which we recreated. Love is revealed and made present by Christ (cf. Jn 13:1) and 'poured into our hearts through the Holy Spirit' (Rom 5:5).

To love someone is to desire that person's good and to take effective steps to secure it. Besides the good of the individual, there is a good that is linked to living in society: the common good. It is the good of 'all of us', made up of individuals, families and intermediate groups who together constitute society. To desire the common good and strive towards itis a requirement of justice and charity. Paul VI proposed Christian charity as the principal force at the service of development. Testimony to Christ's charity through works of justice, peace and development, is part and parcel of evangelization, because Jesus Christ, who loves us is concerned with the whole person. In the design of God, every man is called upon to develop and fulfil himself, for every life is a vocation.

As society becomes ever more globalized, it makes us neighbours but does not make us brothers and it cannot establish fraternity.Poverty and hunger still reap enormous numbers of victims among those who, like Lazarus, are not permitted to take their place at the rich man's table. Indeed, the elimination of world hunger has also, in the global era,become a requirement for safeguarding the peace and stability of the planet. Moreover, one of the most striking aspects of development in the present day is the important question of respect for life. Deeds without knowledge are blind, and knowledge without love is sterile. Indeed, "the individual who is animated by true charity labours skilfully to discover the causes of misery, to find the means to combat it, and to overcome it resolutely”.

Charity in truth is a force that builds community...With good reason, Paul VI taught that, "everyone who works is a creator". The reality of human solidarity, which is a benefit for us, also imposes a duty. The sharing of reciprocal duties is a more powerful incentive to action than the mere assertion of rights. Nature speaks to us of the Creator (cf. Rom 1:20) and his love for humanity. It is destined to be recapitulated in Christ at the end of time (cf. Eph 1:9-10; Col 1:19-20). Thus it too is a 'vocation'.

The Church has a responsibility towards creation and she must assert this responsibility in the public sphere. In so doing, she must defend not only earth, water and air as gifts of creation that belong to everyone. She must above all protect mankind fromself-destruction. There is need for what might be called a human ecology, correctly understood. The deterioration of nature is in fact closely connected to the culture that shapes human coexistence: When human ecology is respected within society, environmental ecology also benefits.

One of the deepest forms of poverty a person can experience is isolation. If we look closely at other kinds of poverty, including material forms, we see that they are born from isolation, from not being loved or from difficulties in being able to love. Poverty is often produced by a rejection of God's love, by man's basic and tragic tendency to close in on himself...The development of peoples depends, above all, on a recognition that the human race is a single family, working together in true communion...

Without God man neither knows which way to go, nor even understand who he is. In the face of the enormous problems surrounding the development of peoples, which almost make us yield to discouragement, we find solace in the words of Christ:"Apart from me you can do nothing" (Jn 15:5), and then encourages us: "I am with you always to the end of time" (Mt. 28:20). God's love calls us to move beyond the limited and the ephemeral, it gives us the courage to continue seeking and working for the benefit of all, even if this cannot be achieved immediately...God gives us the strength to fight and to suffer for love of common good, because he is our All, our greatest hope.

Development needs Christians with their arms raised towards God in prayer, Christians moved by the knowledge truth-filled love,caritatis in veritate, from which authentic development proceeds...For this reason, even in the most difficult and complex times, we must above all else turn to God's love. Development requires attention to the spiritual life, a serious consideration of the experiences of trust in God, spiritual fellowship in Christ, reliance upon God's providence and mercy, love and forgiveness, self-denial, acceptance of others, justice and peace.

Christians long for the entire human family to call upon God as 'Our Father!' In union with the only-begotten Son, may all people learn to pray to the Father and to ask him, in the words that Jesus himself taught us, for the grace to glorify him by living according to his will, to receive the daily bread that we need, to be understanding and generous towards our debtors, not to be tempted beyond our limits, and to be delivered from evil (cf. Mt. 6:9-13).

Ei mite sungah mipil taktak sangin, a kipilsak ki tam zaw hi. Pilna leh ciimna a thuah khawm mi ki tam nai lo hi. Mite'n ei mipil hong cih ma-a ei leh ei mipil misiam a kici namte, ei leh ei tukpaal a kipia namte i hi hi. Mipil zong ki om kawm kawm napi'n, a muan huai, liimbel pangbel theih ding ki tam zo nailo hi. Sum leh paai zong anei kawmkawm ki-om napi'n a ki piakhia ngam, a zek ngam ki tam nai lo. Khangnote, thugen siamte i suah nading in, thu ngaih siam leh a ciapteh siamte hi ni! Mai kai siamte i suah nading in, thumaan in thuman siamte hi ni! Thu i man leh i thu hong kimang ding a, i gen bang a i gamtat i kalsuan leh i thu genna in zong man hong nei in, hong kizuisak ding hi. Tua hi leh makaih siam le makai hoihte i  hihpah ding hi.Tua ahih manin, eite lakah, mipi leh taangpi taangtate' muan, mi zapi ahuai zo ding makai, mipil misiamte leh mihaute kisam mahmah lai hi hang.

Vision:  To have strong Faith, sound Education, and healthy Prosperity (cf. Lk. 2:52).

Destination/Goal:  Remember your superiors, who spoke to you the word of God. Consider how they ended their lives, and imitate their faith (Heb.13:7-8). By putting into practice this scriptural passage, we try to be the living Gospel for others wherever we are and emerge from being the evangelized community to an evangelizing community by following Christ, the Way, the Truth, and the Life (Jn. 14:6).

Motto:  Freely you have received, freely give (Mt. 10:8). It is more blessed to give than to receive (cf. Acts 20:35).

Mission: To let always ourselves and our culture be transformed and renewed by the Gospel values to encounter the risen Lord in our daily life and events, and to nourish our faith by the sacraments to be a Eucharistic Community together with all people of good will and with the whole creation. Phil. 4:13: There is nothing I cannot do in the One who strenghtens me.

Pasian thu up/zuih khit, kum25/50/75/100 cin Jubilee kibawl tei naven, Pasian kammal kinuntakpi nailo; Pasian ka um, dawi kapai khia kici naven, ci leh sa deihna bek tawh kinunta lai lua, kha nuntakna lamah kipicing zo nailo, a etteh huai zong kitam nailo. Loyalty to Christ and Superiors: Remember your superiors, who spoke to you the word of God. Consider how they ended their lives, and imitate their faith (Heb. 13:7-8).

Tu ni-in eite in, i missionary te bang in a etteh huai, Pastor te leh thuzui muan huai bang zah om ta i hi hiam? Nidang Corintu pawlpi sung dan bang in, tu in zong eite lakah, kei Jesu pawlpi cih sang, kei Paulu pawl, kei Apollos pawl cih dan khat in kikhen thang ziazua lua hihang. Tua in, i kipumkhatna hong thanem sak mahmah hi. - In times of weal and woe or in jeopardy, people will be united if the Church leaders are united and will remain scattered if they lead a different stand. Coming together is is a beginning; keeping together is is progress; and working together is success.

- In the middle of difficulty lies opportunity.

- If the Lord had not been on our side… Haggai 1,2; Ps. 124. Those who trust in Yahweh is like Mt. Sion Ps. 125. Song of the returning exiles – sowing in tears will reap in joy Ps. 126. If Yahweh had not built a house Ps. 127.

- 'Sai a sih ciang in a ha nusia a, sahang a sih ciang in, a vun nusia hi', a cih bang in, i sih ciang in, i tu itate ading nusiat i neih kul buang hi. Lei tung ah i nuntak sung in, bang mualsuang phut ding a, vantung ah i kham lukhu ding e...

Makai le mipi kizopna dan: 

Ei Zo mi te pan makai in hong kitel leh lah ut mello, mi dang makai le lah makaite hawmthawh, gen sia thei zel hi hang. I phawk ding thu ah, makai siam khat pen mipi a siam lo man in,  makai siam lo suah thei a, makai siam lo khat pen mipi te a siam man un makai siam mi suak thei hi. Banghang hiam cihleh makai siam khat pen zahpih in, kobawlin gensiasia le'ng hong thanem ding a, a pilna, a siamna hong zang zo nawn kei peuhleh a siam lo hong suak ding hi. Tua mah bang in makai siam lo khat zong pil hi, siam hi, hatkat hi, muanhuai hi cici peuh le'ng a tha nuam ding a, hong hahkat semsem in, asepna in pilna guanin makai siam hong suak ding hilel hi. Hih bang in makai le mipite kizopna thu-ah zong i lungsim puakzia i siam ding thupi mahmah hi. (Rev. En Khan Hau, Preident, Zomi Baptist Convention of Myanmar; ZBCM; Zomi Christian Literature Society; ZCLS, Phawk gige ding thu pawlkhat, , Zomi Siamsin Magazine Vol. 2, 2008).

Tua ahih manin khangnote in i neu tung a kipan thu ngaih, thuzuih, thuman siamte hi le hang, mailam ciang in zong makaih siamte i suak thei pah ding hi. Ei mite pen, i minam sung ah, a pil a siam om tei napi hang in, kithusimlo, kizui nuamlo, vang ki pialo i hih man in, minam hamsia i suak a, i ki thu tuaklo man in i ma nawh pen mite sila suak ding a a ki thawithawi i hi ta hi. Khasiat huai mahmah hi. Tua a hih man in, pil taleng mawl taleng, hau taleng zawng taleng, ton khawm diamdiam, vai hawm khawm diamdiam thei leng i minam sung ah, kigensiatnate hong bei in, ki-itna,kilemna, ki zahtakna leh ki pumkhatnate  hong om ding a, thupha ngah minam taktak i hi ding hi. Ngaih sut huai mahmah...(SK. Gin Khan Pau, President - KZBA)

Ei mite in, social relationship, mite tawh I kizop ziate cingtak zo nailo hi. Kipahtawina, ki uapna leh khat leh khat vang kipiak dan zong kisiam zo nailo hi. Kinoppih leng I lungdamna azahkhatin khangto a, kidahpih leng zong I dahna a lang hong bei in, paaidan hong nuam tuampah hi. I khialhna, I thanemna, kicin lohna le I ginat lohna teng kawmkalah I hihzawhna le I septhei sunsunte tungah kinga-in tha I lak thei ding ki sam hi. Thanemna le hihzawhlona tampite lakah Galngam thaltang banga I neih ihih theina kiau khat pen I zat siam theih ding kisam hi. Kigalbawlna leh kinenniamnate in gu bangin kha a, kideihsakna leh kithapiaknate in khuaizu bangin khum hi.

Tua hi a, leitung taksa lam hita leh kha le biakna lam hi ta leh mun khat peuhpeuh ah gualzawhna, matutna khat peuhpeuh I neih ciang ei leh ei kipahtawi tangtang thei leng kilawm in zong hong etlawm mahmah ding hi. Ki pahtawina pen nget ding sang piak dingin kilawm zaw hi. Mi napahtawi thei leh nang zong apahtawi huai zaw kan lai na hi hi. A pahtawi huaite pahtawi siamna-in kipak huai in, mipi tanna zong ahi hi. Ngaihsut hoihte leh pilna siamnate-in, leitung pahtawi-in etlawmsak in,  khangto sak a, paakpalhte leh agim namtuite in gamlak leh huihlak no suahsakin namtuisak hi. Vukkhalte in mual sangte pahtawi a, kha le aaksite in vantung pahtawi in tang zeizai sak uh hi. Guaitui in nu leitang pahtawi in khaicite posak a, nitang in zong ankungte pahtawi-in khangsak hi. Ciktui leh luituite in guntuite pahtawi uh a, guntui in tuipi pahtawi hi.  Tuipi in zong mihing ganhingte pahtawi in, nuntakna le noptuamna tampitak hong pia hi. Singkung lopate in huih siangtho le adang a kisam tuamtuamte hong pia in, mihing ganhingte' nuntakna tha hong pia in hong pahtawi hi.

Mihingte in upna leh muanna tawh Pasian pahtawi uh a, Pasian in itna hehpihna leh mawhmaisaknate tawh ei mihingte hong pahtawi hi. I kipahtawi ciang zong athu ala I tot siam ding kisam hi. Midik mithupite in pahtawi nading, kammal, athu leh ala ding zong tangtang in, mi pahtawi tawntung thei uh hi. Ei leh ei kipahtawi siamna-in lungsimleh pumpi hong cidamsaka, sep le bawlzia dingte zong hong theisak in, daupaina le matunna hong pia hi. Ei leh ei I kipahtawi ciang I tha khauhin zong ki muibun zaw deuh hi. Mainawt lungsim hong neisak a, sepding leh vai tuamtuamte ah thalawpna leh kimuanna hong pia hi. Nakhat peuhpeuh I sep ding ciang mainawt lungsim I neih tawntung ding kisam hi. Tua hilo-in, ei leh ei kienneu, kikosia ngingei in, 'a lo' lam vive a I kingaihsut leh a ki lalthang thei ziau ding ahi hi. I gamtat I luhek I kampaunate a kipan sep leh bawlnate leh  I ngaihsutnate avek in hoihin, dik khin loding hihmah tase leh ei leh ei ki pahtawi tha kipiak siam in, mainawt lungsim tawh kalsuan kinken leng I kicintaklona leh I khialnate hong beibei in, dikna leh picinnate in hong zuan dinga, a hun hongtun ciang gualzawna leh mintannate pen ei a mah hong hi veve ding hi. Tua hi leh I theih loh kal in, I theih ngei nai loh thupi zaw I sak khat I ngah bek ding hi. Tua nung ciangin, I pilnate in hong haisak nawnlo in, I siamnate in zong hong maizumsak nawnlo dinga, I gualzawhnate hangin mite lakah zukham ankham I bang nawn kei ding hi. Ei leh ei ki pahtawi siam ding kisama, ei leh ei I kipahtawi khial loh ding zong thupi mahmah hi.

Tu hun pen pil hun leh ki pahtawi hun hi a, ei hun lap lai khangnote in, I tung I nuai, I kim I paam, anai agamla deidan selo-in ki pahtawina le ki thapiak siamna tawh I lungsim, I ngaigsuhna le I nuntaknate no suak sak tawntung ni( e.g, My mother honoured me with a dinner party whenever I passed my exams, and that became a driving force for the next year. For that reason, I am what I am now, thanks be to God and to my deceased mother). Et in lawmsak ni. mainawt lungsim vom vinven/kinken ding hihang. Khantoh gimnamsak ding hihang. Mihingte-in social being i hih mah bangin, ahun luanzia tawh kizui a kipawl khawptheina leh sep khawmtheinate kisam mahmah hi.

Nidang lai in, ton leh han, gal aih sa aihte kithupisak mahmah hi. Tu hun ciang ahih leh gal le sate zong bei ta hi. Gal man sa man te hun bei in, pawl man, lawm man in gual huai thei hun hi ta hi. Na khat peuhpeuh I sep ciang, vomlo nawk hun beita a, hi diamdiam a nasep hun, kipawl theih kipawlmawh a kipawl hun hi ta hi. Kei, nang, kopawl, nopawl cih hunte bei khin a, ei cih hun hita hi. Nidang lai in, ipu ipate in, khua khat peuh ah, zawl nanei uh hi. Zintun paai khaina in na kinei uh hi. Mihingte nuntakna sungah thu hoih la hoih a om mah bangin, thusia lasia zong om hi. An leh kiak bang in apo khawm akhang khawm ahi hi. .Ahoihte in asia kilangsaka, asiate in ahoih hong kilangsak hi. Lumbangsun a thalbang suanding i tuaidawngte lambang paakin, pattah siam ni. Diplomatic relationship is another story.

"The more we find ourselves outside without loving God, the more everyone moves away from his neighbour. Whereas if we love God, the more love brings us closer to God himself, the more we unite in love of our neighbour. and the more we unite with our neighbour, the more we unite with God. This is the property of love", says the wise starets. We need concrete steps to overcome the problems of of security, to build bridges of confidence. (The meditation of Kirill, Patriarch of Moscow and all Russia, written for 30 days for Holy Easter).

- The one who prays is not afraid, who prays is never alone, and who prays is saved.

- Micro-relationship…narrow relationship; Macro relationship…wide relationship with other people; decadence of culture, egoism and decadence of enviroment, deforestation.

- Love in Truth: Where there is no vision, the people perish (Prov. 29:18).

- I cannot predict the future, I cannot change the past. I have just the present moments. I must treat it as my last. I must exercise compassion, help the fallen to their feet. Be a friend unto the friendless, make an empty life complete.

- As the Scripture says, "How beautiful are the feet of those who preach the gospel of peace; of those who bring glad tidings of good things!" (Rom. 10:15; Is. 52:7), the physical presence of all of you here among us has brought peace, joy, and prosperity for our spiritual as well as our moral needs. We do believe also that, as the land where Joshua went became the possession of God's people (cf. Joshua 1:3), and so the soil on which you all put your feet will become a blessed land.

Mangkang, mangvomte'n zong amau gam tek mah puah uh hi, it uh hi, angtanpih uh hi. Lainat mahmah uh hi. Mang ngilh cih thadah phawk mahmah uh ahih manun mite lakah gen thanuam mahmah uh hi. I tuntun na-ah I gam I lei phawk siam ni. Na tu na tate uh Zomi mah ahi den dingin na hih sawn un. Judahte a omna peuhpeuh uah  Judahte mah hi uh a, Vaphual zong a omna peuhah Zo Vaphual mah va hi hi. Koikoi-ah om taleng Zoheisa paak pen Zoheisa ahih mah bangin, no zong koikoi-ah na om kha uh zongin Zomi mah hong hiden a,, sum leh paai, pilna siamna leh neihsa lamsate tawh a gaal panin I Zogam hong phung vuh un, hong puah hong zuun siam un, ci-in Zogam min tawh kong thuum hi. Eimah in I pat kei leh kua'n hong patsak ding hiam? Zekai nai kei, a hun om lai, lap lai mahmah hang. Sul hei kik ni. Better late than never; Rome was not built in a day,  cih paunaakte phawk siamin, lung duai takin maa pangkhawm ni.

Zogam in mi citak kisam hi. A gam it ding mi kisam hi. Gam phattuam nadinga nakpi taka na a sem ding mi kisam hi. Azawng ahau, alian aneu, cih om lo-in mi khempeuh kisam hi. Tangval thahatte thagui thatang tawh hong pang ding uh a, pilna siamna leh sum leh paai nei te'n, a pilna a siamna uh leh a sum a paaite uh tawh kuhkal takin ma hong pang ding uh hi. Naupangte-in thumanna, sawlmanna leh thukhualna tawh gam ading bang ka sem thei ding hiam, bang ka hih thei ding hiam cih thu tawh hong pang ding uh hi. Zogam hong paallun ding hi. Nang lo-a a paal ding na deih hiam? Nang zong a paallun sakte lakah khat hi nuam lo na hiam? Zogam adingin hih bangin ka pang ngei, ka pang khin, ka pan laitak hi, na ci thei hiam? Kingiahsun pha in. Zomite'n Zogam I puah kei leh, hong puah sak dingin kuamah hong pai lo ding hi, cih phawkin a zuun dingin kipan ni.

Mi minthangsa, gam minthangsate khempeuh in minthan nailo hun, minthan laitak hun leh minthan nawnlo hun na nei ciat uh hi. Zogam pen a koizawte ahi tam? A thang nailo, a thang pah tading, Zogam bangtan a thang diam cih pen Zomite tungah kinga hi. Zomite kithutuaka, khut khat tawi khe khat khai bang ahih lai teng, lung kituak taka na a sepkhop laiteng uh leh a gam uh a kepbit zawh laiteng uh, a thang ding uh hi. Tuma khang tampi peka kipan Zomi a om mah bangin tuzawh khang tampi bek hilo, I teenna sim leitung a omlai siah, Zomite a om ding uh a, zong a khangto ding uh hi., Mite tungah gual tungtuang ding leh a vaihawm zo ding in Tung Sianmang in, hong ompih, hong panpih in thupha hong pia tawn tung ta hen. Amen.

Roger Green in, "Wherever your heart is, there your feet will soon take you", a cih bangin, I lunggulhna peuhah tun thei hun hita a, I ut bangbang zong a kihihthei ding din munah a kitung hita hi. "Na lungsim ngaihsutnate, nuntakna nak hi a, na neihsa a manpha pen bangin nakep ding ahi hi" (Prov. 4:23) acih mah bangin, mailam nuntak nading gelna ah ngaihsutna pen thupi mahmah hi. Mi tampite' lunggulhna leh tunnate zong ei adingin thupha na hi khollo thei hi. Pasian' lamlahna tawh kizui-in I khensatna pen ei adingin thupha na hi zaw thei hi. Philippines Senate President a sem lui Jovito Salonga in hih bangin na gen ngei hi, "Money can buy pleasure, but it cannot buy hapiness" (Sum tawh I lunggulh [nopsakna] khatkilei thei a, ahih zongin lungdamna leh lungnopna pen kilei thei lo) a cih thute banah, "And the truth is that, the things that money cannot buy are the things that really matters in life", (Aman in cileng, sum tawh I lei theih lo nate I nuntakna sungah a thupi zaw leh a kizang thei zaw peuh na hi gige thei zanzan hi), cih thu a genngei pen thupi leh thei huai mahmah hi.

Tu laitak Philippines Christian University a Pesident a sem Dr. Oscar S. Suarez in zong gen ngei thu khat thupi kasak leh man kasak thu in, "If you do not tell your own story, then some one else will tell your story, but that can (or) cannot be true story", "Na tangthu nangma'n na suut kei a midang khat peuh in hong suut sak leh zong man thei zong man lo thei hi". Tua ban ah thu tuampi hong suakkha maithei ding hi. Tua ahih manin, tulai khantohlam a manawh eimite in I tangthute a hun tawh kizui-in I sut zawh nading leh mi khat tung tawnin a thei pante I suah loh nading han ciam ni! "Tuun I lungtup - Zua I lungtup; Taang I lungtup - Lia I lungtup", tu laitak eimite I sunmang bang ciang tungta ngaihsut kik huai pha mahmah hi.

Gam Khangto i Cih in Banghiam?:  Cortes (1982) genna ah, gam khangto I cih in, a diakdiakin: *Gam sungah nek leh dawn, silk le teen ahi zong, kikhuasak zia, gam kimakaih ziate, daitak/diktak(steady - pongmaan) taka khantohna tawh a kimakaihna gam; kiim leh paam le taangpi taangta tawh pangkhawm…mimal kim ciat in zong amau mapan theihna munmun panin suahtakna zang thei ding…Khantohna pen tuitakhan dan ding hilo-in, mi pawlkhata ding bek zong hilolai ding…

Khantohna I cih pen, "Mihing nuntakna - ah, hong nawngkaisak thei. gilkial dangtakna, natna satna leh zawnna a kipan kithupi simlohnate om lo-in, nek le dawn, silh le teen kitasam lo-a, suahtakna tawh liangko kikimim, mihing khat le khat kizahtakna leh ei le ei mahmah zong kitheih siamna a omna ahi hi" na ci lai hi. Liangko kikimna, khat le khat kizaktakna banah, ei le ei mahmah zong kitheih siamna pen thupisak mahmah hi. Numei leh pasal kideidanna, a nei khat peuh, beh leh phung kicing khat peuh in kipawlna khat peuhpeuhah ahi zong, khua sung pawlpi sungah thuneihna, cihte I zawnna I hainate leh I thanemnate paulap dena lungsim cinatna: ei le ei kisan siamlona a om lohna gam hiding…

Ngaihsutzia a tuam tek kinei thei, ahih hangin kalsuan khop theih nading pawl khat ensuk ni:

(a)Vaipuak kilamzia a thupilakte:   Hih ngaihsutzia a thupi lakte in, "Sanglai simna in kiim le paam khantoh nadingin kipawl khopna tuamtuamte zangin panmun lak theih nadingin tha hong pia hi. Tua banah mimal khantohna zomto leng gam khantohna bulpi hong hi ding…(Collines, 1991).  Hih ngaihsutna-in, nek le dawn, silh le teen …kiim le paam khantoh nading ngaihsutna tawh, mimal khantohna sangin, Vaipuak kilamziate khutletin, kiim le paa khantoh nading masak zaw hi. Cortes (1983) in Pilna zonna tung tawnin kiim le paam khantohna leh mimal hamphatna na enkak hi. Kiim le paam khantohna leh sumlei suzuaknate a kibangin thupi a; pilna in sumlei sumzuakna leh kii le paam khantoh theih nadingin lampi ahi hi. Hih pilna in mimal ading a kisam pilna, theihna, leh nuntak nading sumzon paaizon theih nading lampi hong laka; midangte' upna, ngeinate-ah theih siamna leh san siamnate hong khangsak; banah kiim le paam khantoh nadingin a kisam banginPilna in hong suito to-in hong puak kikkik thei hi", na ci hi.

(b) Pilna pen Kahlei banga a Zangte Ngaihsutna: Hih ngaihsutna a nei pawlkhatte in pilna cih pen thupi mahmah ciangbek hi lo-in, hih tung tawnin, kiim le paam khantoh tek theih nading leh tua zomto-in gam khantoh theih nadinga kahlei banga hong kalsuanpih ahi hi" ci uh hi. Tua bek thamlo-in, gam khat hong khantoh theih nadingin, "pilna bek thupi hi, cihbang om theilo a, a vekin a thupitna a kibang kim hi", na cih thuah lai uh hi. bangbang hita le pilna zonna, sangkahna in Sutpi bangin a bulpi ahihna pen kimuthei hi.

Gam makai khat peuhpeuh in thuhoih lahoih geelgeel mah taleh, a ngah/sang dingte in I sansiam, I zatsiam kei leh, phattuamna tam kingah zo taktak lo ding hi. Tu laitaka gam kimakaih ziate ahi zong, nuntak haksatnate hangin pina zonna-ah paulap ding tam mahmah kha ding hi. A hih hangin, NGOte'n sum leh paai tawh ahi zong, pilna lam leh a kisam bangbangin mite nuntak zia hong enin hong panpih uh ahih tek, Hausa leh Siampi tawh a kimakaihte I hihnate lungngai kikin, tu laitaka hong uk kumpite hong makaih ziate tel a, gam khangtote kimakaih ziate tawh I etkak theih ding pen I kalsuan theih masak ding kisam hi. Nasepna khat peuhpeuhah, I dinmun I kitel masiah kikhelna in mun la thei lo a, kikhelna khat peuhpeuh a om theih nadingin,…botkhiat ding le phelkhiat ahi zong, suksiat ding leh suankhiat ding ahi zong, lam ding leh phuh ding ahi zong… (cf. Jer. 1:10) om den hi.

Pasian in Jeremaih a sawl bangin gam le lei minam ading sawlna a ngah eite adingin ma I sawt ding ahi hi. Khualzinna-ah tai 9 pai nading kal khat pan a kipat mah bangin, mipi kikhel nading mimal pan hong kipan khia ding ahi hi. Tua panin a kikhenkhia theilo Mipi/Milip kikhelna, Ngeina kikhelna leh zuih ding lampi ding geel siamna, cih teng pen khauhual bangin a kiheek, suangthu thum bang ahi hi. Zuih ding lampi I theih hangin milip in theina kihual i neih kei leh, i ngeina hong khangto theilo ding hi.

Milip in pilna, thumuhna, leh theihna i neihkim theih nadingin mimal pan kipan in, tu laitak dinmun, gam kimakaih ziate tawh i kalsuan thei nadingin, Biakna lam pan nasia takin na I sep ding ahi hi. Biakna bulphuhin kipawl khawma mikim in pina I neih theih nadingin pilna piakna pen I kalsuan theih nading khat ahi hi. Pilna piakna sungah hunkhat lai-in mihingte ading a kisam bulpi pen Lungsim ading lungnopna, Pumpi ading nek le dawn, silh le teen, inn leh lo ahih banah, Kha ading leh tuhun ciangin ngaihsutna, lungsim cidam nadinga kipan, sep siamna, theih theihna teng a ding kigeel ta hi.
Zomite Topa'n thupha hong pia in, minam khat I hih hang, gam khat zahin leitung bup tawh thu leh la a kivaihawm, a kikalsuan I hihnate lungngai kawmin I omna gam peuhpeuh panin hanciamin mapang tek ni. Zogam nosuahsak ni, nuntak gim nam sak ni!  Lungdam,

Bishop Msgr. Felix Lian Khen Thang
Kalay Diocese

Source by - Anthony Lian (Germany),

Photo : Bishop Felix Liankhen leh Pa Liantuang(Tongsan Tanu)
Note: CCJ pawpi sung Zomihunbit Pasian nasemte kimuhkhopna sungah Bishop Felix Lian Khan Thang i thugenna ahi hi