Osama bin Laden Sita: "A Kamtaipa Kimu Masa"
9/11 zawh ciang Osama pen Bush in a kibukna Tora Bora ah luh in kapcip gawp napi pengkhia in taimang hi. Tua zawh koi ah om hiam cih kithei nawnlo hi. A 
upmawhna vuah Afghanistan gam keen kawm, mual kawm ah kibu, galkapte in cing hi ding ciin ki ummawh hi. India in bel Penglam bangin, "Hilo ding hi, Pakistan ah om ding hi," ci ngitngut hi!
1. Kamtaipa Min Bang: Kum 10 val beisa hun ah mi gilo a kiman te lakah khat in Osama 'kamtai' (courier) pen amin hih hi, ciin US thukante kiangah na gen zo hi. Ahi zongin US thukante in Osama pen kimu lel ding hi, kiman pah lel ding hi cih kimuanna nei uh ahih manin tuapa thugen pen kinbawllo uh hi. Ahi zongin a upmawh uh bangin a mat paklo uh hi.
Tua ciang 9/11 siatna dinga chief planner Khalid Sheikh Mohammed leh Al-Qaeda operational chief Abu Faraj al-Libi kiangah tua min a dot uh leh, "ka thei ngei vet kei uh" ci pah lian uh hi. Thei ngeilo a cih uh ciang US thukante in ummawh deuhdeuh zaw uh hi. Hih mi nihte in zuau hong gen uh hiding hi cih um zawsop uh hi. Tuapa pen mi thupi ahih manin hih mi nihte in a theilo hong kineih hiding hi ci uh hi. Ahi zongin tuapa kua hi ding cih kan theihna ding lah omlo, bing bikbek hi.
Tua leh 2005 kum in CIA thukante in a thukanzia uh khek uh a, Pakistan leh Afghanistan ah CIA thukan mi a tamzaw sem koih uh a, lei zuut uh, bawhlung mang zong-a zong hong kipan uh hi. Tua banga a kanna uh pan in Osama 'kamtaipa' behmin, innkuan min hong thei khia uh hi. Tua ciang CIA thukante in National Security Agency (NSA) te kiangah 'hih pa in Pakistan sungah phone tawh kihopih a nei kha hiam cih na kan un" ciin vaikhak uh hi. A sawtlo in a kihona uh phone sungah na ngaihsimsak thei pah uh hi. Tuapa min Abu Ahmad hi a, Kuwait gam pan ahi hi.
2. Kamtaipa Koi Ah Kimu: Kum 5 sung limtak a zon zawh uh ciang July 2010 in CIA thukante ading nasem Pakistan mi khat in Pakistan khuapi Peshawar khualaizangah Suzuki car khat a hawl mu hi. Tua zawh kha 4 sung a sulzuih khit uh ciang tua Suzuki mawtaw tawh Abbottabad khua inn huangsung khat ah lut hi. Tua lian pan CIA thukante in, "Oh, hih pen thupi kha ding hi. Osama teekteek omna inn zong hithei kha ding hi," ci uh hi.
3. Osama Inn: Keen kawm laka inn hoih kilam sungah kibu cip dinga a uppa uh a upna vuah omlo in hih inn dawl thum, inn huang leisek pi 15 a-sang tawh ki um ziau sungah teeng ahi tam maw kicita hi. Sikling tawh ki um a, CCTV camera zong kibulh kim hi.
Hih thu a theih ciang White House ah counter terrorism chief John Brennan in, "I gualpa i upmawhna keen kawm ah kibu lo in hua khuapi laizang mipi lak ah om hit hiat hikha ding hiveh aw," ci hi. Hih inn pen a kilam zawh kum 5 phazo a, USD million khat val beia kilam hi. Dawl thum pha a, dawl khempeuh leisek tawh ki umcip hi. A pua lam pan a kigalmuh hang a sunga teengte kimu theilo dinga kibawl ahi hi. Inn sungah inndei tampi om a, tuate pen van seel khempeuh a kiselcip theihna ding hih tuak hi. Inn sungah tengte in a nin peuhmah uh khuapi niin paihna ah pai ngeilo uh a, haltum pahpah uh hi, kici hi.
4. Veng leh Pam tawh Kizopna: Hih inn sungah tengte pen kuamah tawh kikhawllo, kiho tamlo hi kici hi. Ahang pen amau kuamah in theician kei leh cih ut uh hi kici hi. Innvengte in mopawi, sigalna khawngah pai dingin a zot uh hang zong kuamah pai ngeilo uh hi. Hau mahmah napi veng leh pam kiangah muamkhum zong hawm ngeilo, kuamah zong huh ngeilo uh hi ci uh hi. Van lei le uh zong mi 10 nek ding taang lei den uh a, ahi zongin a sungah teeng kimu pen mi 4 khawng bek hi kici hi. Innveng naupangte in Cricket a kimawl uh ciang amau huang sungah a bawhlung a tuk ciang lak ding phallo uh hi. Huang sunga bawhlung lak kik sangin a thak leina dingin Rupees 100 pia zaw den uh hi, ci hi. Tua in cricket ball 3 bang leizo a, naupangte in meet sa zaw uh hi. Pawlkhat bangin sum 100 deih man bekbek in cricket ball tuate huangsungah lawnto uh hi, ci uh hi.... meet bawl... khuak tai veve maw. Ahi zongin huang sung kuamah in mu ngeilo, kuamah lut ngeilo kici hi.
Innvengte theih dan ah amau pen Afghanistan pan mihau hong pem hi, ci uh hi. Haulua ahih manun mi tawh kitheih ding lauzaw ci uh hi. Innvengte upmawhna bel a sumbawlna uh 'van kham' hi ngel ding hi, tua mana mi tawh kikhawllo hi ding ci uh hi. Pawlkhat in lah biakna uk mi ahih man un biakna pia den uh hiding hi, ci uh hi.
Nipi khat sungin mawtaw hoih mahmah khat in Kel khat puak den a, tualo zong mawtaw mahmah vive inn huang sungah lut den hi, kici hi. Tua banga mawtaw a pai ciang mawtaw a lut khit lian leh kongkhak kikhak pahpah a, huangsung kuamah in mu man lo uh hi, kici hi. Hih inn lutna dingin kongvang 2 bek om a, a nih in kikhakcip den zaw hi.
5. President Obama Kihilh Ta: CIA thukante in Abbottabad ah Osama kamtaipa mawtaw tawh lut hi cih a theih uh ciang CIA Makaipi Director Leon Panetta in President Barack Obama kiangah hawh pah a, a thu a gen hi. Obama in thupi ngaihsut pah ahih manin a seppih Vice President Joe Biden, Secretary of State Hillary Clinton leh Defence Secretary Robert Gates sam pah in, kikumpah uh hi. Hih thu kithupi sim lua mahmah ahih manin a thei ding White House pan mi 4 te simloh CIA thukante bek in thei uh hi. Ahi zongin laidal leh email khawngah kigelhlo a, kam bek tawh kikum uh hitazen hi. Laidal tawh gelh ding khempeuh CIA thukante bek in kem ding ci uh hi.
CIA Director in a genna ah, "Kum tampi sikha zon bang hi mah leh thakhat thu in, 'wow, hiah om ei' cih bang himawk hi" ci hi. Ahi zongin tua inn sungah a gualpa uh Osam bin Laden a omtakpi hiam cih a thei hi tuan lo uh a, ahi zongin 'om kha mawk ding hi' cih lian mahmah hi.
6. Bangci Sittel Ding: Hih inn sungah gualpa Osama om takpi hi cih bangcih theih ding, bangci sittel ding. Director in Panetta in nawhsa in ki ensim henla, kitel pah leh cih ngaihsutna nei hi. A nuaia te in bel kum tampi i kankan thu pen nawhsa in hih mawk leng, hong ki encik hi cih theihna nei kha le uh i gualpa taimang ziau dinga, en bangcih nawn ding, ci uh hi. Tua ciangin vantunglam pan sattellite tawh maan zaih, tuate lemtuahtuah zel. Inn pan phone ging, kizopna a om hiam cih khawng ngai sim, omlo. Electronic van tawh kizopna peuhmah hih inn sung pan omlo hi cih a theih uh ciang lamdangsa, muangmawh semsem uh...lunglut semsem uh, lah kidawm semsem uh. A niin peuhmah uh innpua ah bualo, pailo, haltum den zaw cih a theih uh ciang semsem in lawp lua lei liangta hizen.
7. Kua'n Sim Ding, Bangci Sim Ding: Tu kum February 2011 taktak ciang CIA te in zong a thukan uh a deihzah uh ngah kisa pianta hiinteh, Director Panetta in Navy Vice Admiral McRaven sam a, ama zum CIA Headquarter ah hih thu khempeuh a hilh dikdek hi. Mc Raven pen US Galkap te in galguk a sim ding khempeuh a makaipa a sep laitak hi (Pentagon Special Operations Command).
Galsim ding haksa mahmahte a gel detdet siampa McRaven nipi kal bangzah hiam a gelgel khit ciangin CIA director pa kiangah hong hawh kik a, galsim zia ding nam thum hong puak hi - Helicopter tawh US commando te in luh ding, B-2 stealth bomber tawh tua inn leh huangsung kapzan ding, leh Pakistan galkapte tawh sim khawm ding, cih ahi hi. Pakistan te bel galsim ding nai khat hun pawl in a simna ding mun leh a mi hilh pan ding ci uh hi.
8. Galsimzia Ding President Kiangah Kihilh Ta: CIA Director Panetta in galsiam McRaven gelna khempeuh tawi in White House a President pa kiang hong tunpih a, a en khawm uh hi. Satellite pan maan a ngah khempeuh uh en, a thukanna pan a thu zak khempeuh uh a gawmtuah uh ciang Osama omtakpi dinga, a zi naupang pen tawh om ding hi cih upna lian semsem hi. President thudotpi pawlkhat in galkap tawh luh lehang Pakistan kumpi heh kha ding hi, tu laitak i kizopna ahoih melloh tawh ci uh hi.
March 22, 2011 niin President Obama in a thudotpi teng sam khawm kik in amau ngaihsutna khempeuh a dong cian hi.
Robert Gates in bel Hellicopter tawh sim ding cih bel lauhhuai lua ding hi, hihkhelh baih mahmah ding, supna lian lua kha ding hi, tua manin smart bomb tawh i utna san linlian kap ziauziau leng hoihpen inteh ci hi. Ahi zongin ni 2, 3 zawh ciang a theite in smart bomb Kg. 907 a gik 32 tak kisam ding hi ci uh hi. Tua tawh kap mawk le uh kapzaan khin ding a, Osama om maw omlo bangci theih ding ci uh hi. "Lei kuak lianpi om lel dinga, Osama si maw silo cih kitheilo ding hi, a luang kimu lo ding hi," ci uh hi.
9. Navy Seals te Zat Ding Khentat Ta: A tawpna ah helicopter tawh sim ding hoihpen hi cih hong khentat ta uh hi. A sim dingin US Navy Seals te khentat uh a, a zingciangin training centre ah galsim ding dan kisinpah uh hi. Ahi zong in makaite in Navy Seals te kiangah a galsim ding uh, kua sim ding, bang hun in, koi ah, cih khat zong hilh vetlo uh hi; kisinsin phot himai hi. Abbottabad a inn huang tawh kibang bawl uh a, tua sung luh dan ding sun tawh zan tawh kisin ngekngek uh hi. Minute 30 a zawh dingin kisinsak giap uh hi. A siam mahmah khit uh ciangin a sim ding pa uh pen Osama bin Laden ahih lam leh a simna ding mun uh a hilhta uh hi.
10. Simta Ni: April 28, 2011 niin President Obama in a thudotpi teng samkhawm kik leuleu a, White House innpi sungah thu khentatna khat a bawlsawmta hi. Tua ni zingsang lamin Obama in a "Birth Certificate" mipi te muh theihdingin khahkhia masa hi. Ahang pen mihau Donald Trump in "I president pa pen USA ah piang takpi lo hi, a piang takpi leh a Birth Certificate mipite hong lak hen," ciin a nget man ahi hi. A khahkhiat khit ciang Obama in, "Hih bang haivai tawh kibuaibuai manlo hi" ci hi.
Panetta in, "CIA te in galsim ding ka kimanta uh hi. Galsimzia ding zong a hoih takpi ding hiam cih a encik lai ding mi ka deih uh hi. President in hong thukimpih thei tam," ci a, midang khempeuh in "thukimpih" a ci pah uh hi. President pa bek in a khentatna a gen nai kei hi.
Tua leh President pa khentatna i zak ma in, "hih khialh theih bangteng om" cih gen khawm ni ci uh a, a gen khawm leuleu uh hi. Nai tampi sung a kikup, a gen gen, a sitsit khit uh ciang President pa in, "Thu khentatna ka bawlma in, tu zan hong ngaihsun lai ning, zingsang ciang kimu kik ni," a ci hi. Amau angkawi ciat anglum bel dingin a zalna laikhun lam ciat uh a zuan phot uh hi.
A zingsang ciang a thudotpi teng na tung kim dimdiam uh a, President pa hong lut in, "Simta Ni" (its a go) a ci hi. Aban bel i theihsa...'tangthu' hita hi.
Hau Za Cin
Phuitong Liim
upmawhna vuah Afghanistan gam keen kawm, mual kawm ah kibu, galkapte in cing hi ding ciin ki ummawh hi. India in bel Penglam bangin, "Hilo ding hi, Pakistan ah om ding hi," ci ngitngut hi!1. Kamtaipa Min Bang: Kum 10 val beisa hun ah mi gilo a kiman te lakah khat in Osama 'kamtai' (courier) pen amin hih hi, ciin US thukante kiangah na gen zo hi. Ahi zongin US thukante in Osama pen kimu lel ding hi, kiman pah lel ding hi cih kimuanna nei uh ahih manin tuapa thugen pen kinbawllo uh hi. Ahi zongin a upmawh uh bangin a mat paklo uh hi.
Tua ciang 9/11 siatna dinga chief planner Khalid Sheikh Mohammed leh Al-Qaeda operational chief Abu Faraj al-Libi kiangah tua min a dot uh leh, "ka thei ngei vet kei uh" ci pah lian uh hi. Thei ngeilo a cih uh ciang US thukante in ummawh deuhdeuh zaw uh hi. Hih mi nihte in zuau hong gen uh hiding hi cih um zawsop uh hi. Tuapa pen mi thupi ahih manin hih mi nihte in a theilo hong kineih hiding hi ci uh hi. Ahi zongin tuapa kua hi ding cih kan theihna ding lah omlo, bing bikbek hi.
Tua leh 2005 kum in CIA thukante in a thukanzia uh khek uh a, Pakistan leh Afghanistan ah CIA thukan mi a tamzaw sem koih uh a, lei zuut uh, bawhlung mang zong-a zong hong kipan uh hi. Tua banga a kanna uh pan in Osama 'kamtaipa' behmin, innkuan min hong thei khia uh hi. Tua ciang CIA thukante in National Security Agency (NSA) te kiangah 'hih pa in Pakistan sungah phone tawh kihopih a nei kha hiam cih na kan un" ciin vaikhak uh hi. A sawtlo in a kihona uh phone sungah na ngaihsimsak thei pah uh hi. Tuapa min Abu Ahmad hi a, Kuwait gam pan ahi hi.
2. Kamtaipa Koi Ah Kimu: Kum 5 sung limtak a zon zawh uh ciang July 2010 in CIA thukante ading nasem Pakistan mi khat in Pakistan khuapi Peshawar khualaizangah Suzuki car khat a hawl mu hi. Tua zawh kha 4 sung a sulzuih khit uh ciang tua Suzuki mawtaw tawh Abbottabad khua inn huangsung khat ah lut hi. Tua lian pan CIA thukante in, "Oh, hih pen thupi kha ding hi. Osama teekteek omna inn zong hithei kha ding hi," ci uh hi.
3. Osama Inn: Keen kawm laka inn hoih kilam sungah kibu cip dinga a uppa uh a upna vuah omlo in hih inn dawl thum, inn huang leisek pi 15 a-sang tawh ki um ziau sungah teeng ahi tam maw kicita hi. Sikling tawh ki um a, CCTV camera zong kibulh kim hi.
Hih thu a theih ciang White House ah counter terrorism chief John Brennan in, "I gualpa i upmawhna keen kawm ah kibu lo in hua khuapi laizang mipi lak ah om hit hiat hikha ding hiveh aw," ci hi. Hih inn pen a kilam zawh kum 5 phazo a, USD million khat val beia kilam hi. Dawl thum pha a, dawl khempeuh leisek tawh ki umcip hi. A pua lam pan a kigalmuh hang a sunga teengte kimu theilo dinga kibawl ahi hi. Inn sungah inndei tampi om a, tuate pen van seel khempeuh a kiselcip theihna ding hih tuak hi. Inn sungah tengte in a nin peuhmah uh khuapi niin paihna ah pai ngeilo uh a, haltum pahpah uh hi, kici hi.
4. Veng leh Pam tawh Kizopna: Hih inn sungah tengte pen kuamah tawh kikhawllo, kiho tamlo hi kici hi. Ahang pen amau kuamah in theician kei leh cih ut uh hi kici hi. Innvengte in mopawi, sigalna khawngah pai dingin a zot uh hang zong kuamah pai ngeilo uh hi. Hau mahmah napi veng leh pam kiangah muamkhum zong hawm ngeilo, kuamah zong huh ngeilo uh hi ci uh hi. Van lei le uh zong mi 10 nek ding taang lei den uh a, ahi zongin a sungah teeng kimu pen mi 4 khawng bek hi kici hi. Innveng naupangte in Cricket a kimawl uh ciang amau huang sungah a bawhlung a tuk ciang lak ding phallo uh hi. Huang sunga bawhlung lak kik sangin a thak leina dingin Rupees 100 pia zaw den uh hi, ci hi. Tua in cricket ball 3 bang leizo a, naupangte in meet sa zaw uh hi. Pawlkhat bangin sum 100 deih man bekbek in cricket ball tuate huangsungah lawnto uh hi, ci uh hi.... meet bawl... khuak tai veve maw. Ahi zongin huang sung kuamah in mu ngeilo, kuamah lut ngeilo kici hi.
Innvengte theih dan ah amau pen Afghanistan pan mihau hong pem hi, ci uh hi. Haulua ahih manun mi tawh kitheih ding lauzaw ci uh hi. Innvengte upmawhna bel a sumbawlna uh 'van kham' hi ngel ding hi, tua mana mi tawh kikhawllo hi ding ci uh hi. Pawlkhat in lah biakna uk mi ahih man un biakna pia den uh hiding hi, ci uh hi.
Nipi khat sungin mawtaw hoih mahmah khat in Kel khat puak den a, tualo zong mawtaw mahmah vive inn huang sungah lut den hi, kici hi. Tua banga mawtaw a pai ciang mawtaw a lut khit lian leh kongkhak kikhak pahpah a, huangsung kuamah in mu man lo uh hi, kici hi. Hih inn lutna dingin kongvang 2 bek om a, a nih in kikhakcip den zaw hi.
5. President Obama Kihilh Ta: CIA thukante in Abbottabad ah Osama kamtaipa mawtaw tawh lut hi cih a theih uh ciang CIA Makaipi Director Leon Panetta in President Barack Obama kiangah hawh pah a, a thu a gen hi. Obama in thupi ngaihsut pah ahih manin a seppih Vice President Joe Biden, Secretary of State Hillary Clinton leh Defence Secretary Robert Gates sam pah in, kikumpah uh hi. Hih thu kithupi sim lua mahmah ahih manin a thei ding White House pan mi 4 te simloh CIA thukante bek in thei uh hi. Ahi zongin laidal leh email khawngah kigelhlo a, kam bek tawh kikum uh hitazen hi. Laidal tawh gelh ding khempeuh CIA thukante bek in kem ding ci uh hi.
CIA Director in a genna ah, "Kum tampi sikha zon bang hi mah leh thakhat thu in, 'wow, hiah om ei' cih bang himawk hi" ci hi. Ahi zongin tua inn sungah a gualpa uh Osam bin Laden a omtakpi hiam cih a thei hi tuan lo uh a, ahi zongin 'om kha mawk ding hi' cih lian mahmah hi.
6. Bangci Sittel Ding: Hih inn sungah gualpa Osama om takpi hi cih bangcih theih ding, bangci sittel ding. Director in Panetta in nawhsa in ki ensim henla, kitel pah leh cih ngaihsutna nei hi. A nuaia te in bel kum tampi i kankan thu pen nawhsa in hih mawk leng, hong ki encik hi cih theihna nei kha le uh i gualpa taimang ziau dinga, en bangcih nawn ding, ci uh hi. Tua ciangin vantunglam pan sattellite tawh maan zaih, tuate lemtuahtuah zel. Inn pan phone ging, kizopna a om hiam cih khawng ngai sim, omlo. Electronic van tawh kizopna peuhmah hih inn sung pan omlo hi cih a theih uh ciang lamdangsa, muangmawh semsem uh...lunglut semsem uh, lah kidawm semsem uh. A niin peuhmah uh innpua ah bualo, pailo, haltum den zaw cih a theih uh ciang semsem in lawp lua lei liangta hizen.
7. Kua'n Sim Ding, Bangci Sim Ding: Tu kum February 2011 taktak ciang CIA te in zong a thukan uh a deihzah uh ngah kisa pianta hiinteh, Director Panetta in Navy Vice Admiral McRaven sam a, ama zum CIA Headquarter ah hih thu khempeuh a hilh dikdek hi. Mc Raven pen US Galkap te in galguk a sim ding khempeuh a makaipa a sep laitak hi (Pentagon Special Operations Command).
Galsim ding haksa mahmahte a gel detdet siampa McRaven nipi kal bangzah hiam a gelgel khit ciangin CIA director pa kiangah hong hawh kik a, galsim zia ding nam thum hong puak hi - Helicopter tawh US commando te in luh ding, B-2 stealth bomber tawh tua inn leh huangsung kapzan ding, leh Pakistan galkapte tawh sim khawm ding, cih ahi hi. Pakistan te bel galsim ding nai khat hun pawl in a simna ding mun leh a mi hilh pan ding ci uh hi.
8. Galsimzia Ding President Kiangah Kihilh Ta: CIA Director Panetta in galsiam McRaven gelna khempeuh tawi in White House a President pa kiang hong tunpih a, a en khawm uh hi. Satellite pan maan a ngah khempeuh uh en, a thukanna pan a thu zak khempeuh uh a gawmtuah uh ciang Osama omtakpi dinga, a zi naupang pen tawh om ding hi cih upna lian semsem hi. President thudotpi pawlkhat in galkap tawh luh lehang Pakistan kumpi heh kha ding hi, tu laitak i kizopna ahoih melloh tawh ci uh hi.
March 22, 2011 niin President Obama in a thudotpi teng sam khawm kik in amau ngaihsutna khempeuh a dong cian hi.
Robert Gates in bel Hellicopter tawh sim ding cih bel lauhhuai lua ding hi, hihkhelh baih mahmah ding, supna lian lua kha ding hi, tua manin smart bomb tawh i utna san linlian kap ziauziau leng hoihpen inteh ci hi. Ahi zongin ni 2, 3 zawh ciang a theite in smart bomb Kg. 907 a gik 32 tak kisam ding hi ci uh hi. Tua tawh kap mawk le uh kapzaan khin ding a, Osama om maw omlo bangci theih ding ci uh hi. "Lei kuak lianpi om lel dinga, Osama si maw silo cih kitheilo ding hi, a luang kimu lo ding hi," ci uh hi.
9. Navy Seals te Zat Ding Khentat Ta: A tawpna ah helicopter tawh sim ding hoihpen hi cih hong khentat ta uh hi. A sim dingin US Navy Seals te khentat uh a, a zingciangin training centre ah galsim ding dan kisinpah uh hi. Ahi zong in makaite in Navy Seals te kiangah a galsim ding uh, kua sim ding, bang hun in, koi ah, cih khat zong hilh vetlo uh hi; kisinsin phot himai hi. Abbottabad a inn huang tawh kibang bawl uh a, tua sung luh dan ding sun tawh zan tawh kisin ngekngek uh hi. Minute 30 a zawh dingin kisinsak giap uh hi. A siam mahmah khit uh ciangin a sim ding pa uh pen Osama bin Laden ahih lam leh a simna ding mun uh a hilhta uh hi.
10. Simta Ni: April 28, 2011 niin President Obama in a thudotpi teng samkhawm kik leuleu a, White House innpi sungah thu khentatna khat a bawlsawmta hi. Tua ni zingsang lamin Obama in a "Birth Certificate" mipi te muh theihdingin khahkhia masa hi. Ahang pen mihau Donald Trump in "I president pa pen USA ah piang takpi lo hi, a piang takpi leh a Birth Certificate mipite hong lak hen," ciin a nget man ahi hi. A khahkhiat khit ciang Obama in, "Hih bang haivai tawh kibuaibuai manlo hi" ci hi.
Panetta in, "CIA te in galsim ding ka kimanta uh hi. Galsimzia ding zong a hoih takpi ding hiam cih a encik lai ding mi ka deih uh hi. President in hong thukimpih thei tam," ci a, midang khempeuh in "thukimpih" a ci pah uh hi. President pa bek in a khentatna a gen nai kei hi.
Tua leh President pa khentatna i zak ma in, "hih khialh theih bangteng om" cih gen khawm ni ci uh a, a gen khawm leuleu uh hi. Nai tampi sung a kikup, a gen gen, a sitsit khit uh ciang President pa in, "Thu khentatna ka bawlma in, tu zan hong ngaihsun lai ning, zingsang ciang kimu kik ni," a ci hi. Amau angkawi ciat anglum bel dingin a zalna laikhun lam ciat uh a zuan phot uh hi.
A zingsang ciang a thudotpi teng na tung kim dimdiam uh a, President pa hong lut in, "Simta Ni" (its a go) a ci hi. Aban bel i theihsa...'tangthu' hita hi.
Hau Za Cin
Phuitong Liim
No comments:
Post a Comment