Osama bin Laden Sita: "Geronimo" Kua Hiam?
"Geronimo" pen US gamsunga teng masa Apache minam te galhangpa hi kici hi. Amah pen US te leh Mexico te in amau tenna mun a luh uh 
ciang a lehdo kikpa hi kici hi. Ama min taktak pen Goyathlay hi kici a, "Geronimo" cih bel Mexican te in a phuahtawm min hi kici hi. Mexican te tawh Apache te a kido uh ciang Mexican te in a lauh penpen uh Geronimo hiding ci uh a, tua manin galsim dinga kuan peuhmah, "Kidawm Un" a cihnop un, "Geronimo Na Tuah Khak Ding Uh Kidawm Un ("Cuidado Geronimo"), ci den uh hi, kici hi. 'Geronimo' a khiatna in "Haam buaibuaipa" cihna hi kici hi.
I theihsa bangin America pen a om masa Native Americans, ahih kei leh Indians kici te tenna gam ahi hi. Mikangte a lut uh ciang tua a teeng masate mun leh gam suhsak uh a, a om masate tawh kido ngekngek uh hi. Tua minam masa lak ah Apache minam te pen galhang, mihat, thahat minam hi kici hi. Tua hangin tuhun ciang America in a gal vanleng lak ah Helicopter lauhhuai penpen leh a muan penpen uh 'Apache Helicopter' na ci liang uh hi. Galhang pahtawina hilo diam.
Apache minam te pen tu laitak in Oklahama, Texas leh Arizona state sungah teeng diak uh hi. Arizona ah bel amau tenna ding a kiciangtan tuam gam kipia a, midang kilut theilo, phalna la masa lo in amau lak ah kizin theilo hi.
1. "Geronimo" Cih Deihlo: Apache minam te in tutung USA in 'gualpa Osama' code name dingin 'Geronimo' cih a zat uh deih lo uh a, a lungkimlohna uh gen uh hi. Banghang hiam cih leh Geronimo pen galhangpa hi a, gualpa pen 'mass murderer' hi, ci uh hi. Amau gel a kibanga genkhop pen Apache minam te in zadah uh hi.
US kumpi in bel Geronimo zahtaklohna hilo hi ciin hilhcian uh hi. Amau gel a kibang hi cihna hilo in amau gel hangsan leh nasep uh tawikhai nopna zong hipah tuanlo hi ci uh hi. Galsim ding ciangin code name pen khat peuhpeuh a kila ziauziau hizaw hi. Geronimo leh a minam Apache minamte zahtaklohna hang hilo hi,ci uh hi.
2. Obama Laikhak Uh: Apache minam makai Mr. Houser, OK in President Obama kiangah laikhak a, "ka galhang pa uh, ka minam sung vua ka zahtak mahmah uh tu in mi suam, mi thatpa khat tawh nong tehkaak sak uh ka ngaihsut uh ciang nong thusimlohna uh hiin ka ngaihsun uh hi," ci hi. "Ka mipihte lungsim nat ding zia hong theihpih le cin cih ka ut uh hi," ci hi.
3. Geronimo zong America Gal Lianpen Hi Ngei: Ama khan lai in Geronimo pen America te adingin a gal lauhhuai pen uh, a lauh pen uh, nawngkai a sak pen uh hi a, khe nuaia ling sut bangin noksak a sak uh ahi hi. Banghang hiam cih leh America te in gamkek nuam in a teeng masa Indians te gam zong laksak sawm uh hi. Tua ciangin Geronimo in hangsan tak, khauhtakin na lehdo zo ahih manin America luvai sak mahmah hi. America bek hilo, Mexico zong luvai sak mahmah hi. Amat zawh na dingin uh a hanciam uh a, ahi zongin a manzo pak kei uh hi. 1886 kum ngawngaw ciang America te in a manzo pan uh hi.
Oklahama khua a Fort Sill ah ki khum in kum 23 sung a kikhumcip zawh ciangin awmna neiin 1909 kumin leitung nusia ta hi.
Tuni dongin galkap sung leh naupangte hangsan ding a kisinsak uh ciang "Geronimo" ciin kiko masa uh hi, kici hi. Hangsan, kuhkal leh tup tintenna nei mite ettehpha suak ahi hi.
4. Black Hawk Helicopter Tawh Kisai Tawm: US Navy ading a tuam vilvel a kibawlsak UH-60 series kici pen galsim ding a haksa mahmah mun ah zat dingin a kibawl hi a ci pawl om hi. A thu thuk tampi genlo in a tuam vilvel deuhna pawlkhat bek gen leng hun inteh. Hih Mupivom banga khauhpai Helicopter pen radar in zong a mat theihloh ding, a niam mahmah leizul ah zong a leng thei ding, ut bangbang a nawhsa a kihei ziauziau thei dinga kibawl hi kici hi. A sik khauhna thautang in pailet zolo ding cihte pawl pen gen kullo in koih vet leng. A gin mahmah zong a kizalo dingin a mei ah a gin hupkang ding kibulh hi kici hi. Tua ciang a sik zong bangteng hel uh hidiam a huham phialphual tawh kibang kici hi.
Abbottabad khua a Osama huang sung a luh lai un zong amau mahmah in zong Helicopter hong leng hi cih a theih uh ciang ziakai luazo, kibu man nawnlo, kisel man nawnlo kici hi. Tua mah bangin amau inn vengte in zong thauging khekkhek bek za uh a, a tawpna ah helicopter kisia pen a kap khap uh ciang a ging ah innvengte khanglo pan hi kici hi. Tua zahta a ging ngaihlo, kidawma galsim thei hih tuak hi. Sihal or gam ui akgu tawh kibang leh kilawm hi.
Tutunga kizang pen UH-60M hi dingin ki um mawh hi. Utility Helicopter Modified cihnopna ahi mai tam. Tua pen bangtawh kibawl cih mite in a theihlohna dingin a nusiat ding pen uh zong Navy Seals te in kapkham in a neen teng zong pua uh a, ahi zongin kamsiat huai takin a mei tawng khat la manlo, mu kha lo in nusia kha uh hi. Pakistan te in tua meitawng panin bang siik nam kizang hiam, bangci kibawl hiam cihte kantel sawm uh hi. Military secret kitheihsak pen gal kido a kizawh sangin zong na a sak zawk uh cileng...
US in bel a hoihzaw, a thak dang khat bawl kik lel lo dia.
Hau Za Cin
Phuitong Liim
ciang a lehdo kikpa hi kici hi. Ama min taktak pen Goyathlay hi kici a, "Geronimo" cih bel Mexican te in a phuahtawm min hi kici hi. Mexican te tawh Apache te a kido uh ciang Mexican te in a lauh penpen uh Geronimo hiding ci uh a, tua manin galsim dinga kuan peuhmah, "Kidawm Un" a cihnop un, "Geronimo Na Tuah Khak Ding Uh Kidawm Un ("Cuidado Geronimo"), ci den uh hi, kici hi. 'Geronimo' a khiatna in "Haam buaibuaipa" cihna hi kici hi.I theihsa bangin America pen a om masa Native Americans, ahih kei leh Indians kici te tenna gam ahi hi. Mikangte a lut uh ciang tua a teeng masate mun leh gam suhsak uh a, a om masate tawh kido ngekngek uh hi. Tua minam masa lak ah Apache minam te pen galhang, mihat, thahat minam hi kici hi. Tua hangin tuhun ciang America in a gal vanleng lak ah Helicopter lauhhuai penpen leh a muan penpen uh 'Apache Helicopter' na ci liang uh hi. Galhang pahtawina hilo diam.
Apache minam te pen tu laitak in Oklahama, Texas leh Arizona state sungah teeng diak uh hi. Arizona ah bel amau tenna ding a kiciangtan tuam gam kipia a, midang kilut theilo, phalna la masa lo in amau lak ah kizin theilo hi.
1. "Geronimo" Cih Deihlo: Apache minam te in tutung USA in 'gualpa Osama' code name dingin 'Geronimo' cih a zat uh deih lo uh a, a lungkimlohna uh gen uh hi. Banghang hiam cih leh Geronimo pen galhangpa hi a, gualpa pen 'mass murderer' hi, ci uh hi. Amau gel a kibanga genkhop pen Apache minam te in zadah uh hi.
US kumpi in bel Geronimo zahtaklohna hilo hi ciin hilhcian uh hi. Amau gel a kibang hi cihna hilo in amau gel hangsan leh nasep uh tawikhai nopna zong hipah tuanlo hi ci uh hi. Galsim ding ciangin code name pen khat peuhpeuh a kila ziauziau hizaw hi. Geronimo leh a minam Apache minamte zahtaklohna hang hilo hi,ci uh hi.
2. Obama Laikhak Uh: Apache minam makai Mr. Houser, OK in President Obama kiangah laikhak a, "ka galhang pa uh, ka minam sung vua ka zahtak mahmah uh tu in mi suam, mi thatpa khat tawh nong tehkaak sak uh ka ngaihsut uh ciang nong thusimlohna uh hiin ka ngaihsun uh hi," ci hi. "Ka mipihte lungsim nat ding zia hong theihpih le cin cih ka ut uh hi," ci hi.
3. Geronimo zong America Gal Lianpen Hi Ngei: Ama khan lai in Geronimo pen America te adingin a gal lauhhuai pen uh, a lauh pen uh, nawngkai a sak pen uh hi a, khe nuaia ling sut bangin noksak a sak uh ahi hi. Banghang hiam cih leh America te in gamkek nuam in a teeng masa Indians te gam zong laksak sawm uh hi. Tua ciangin Geronimo in hangsan tak, khauhtakin na lehdo zo ahih manin America luvai sak mahmah hi. America bek hilo, Mexico zong luvai sak mahmah hi. Amat zawh na dingin uh a hanciam uh a, ahi zongin a manzo pak kei uh hi. 1886 kum ngawngaw ciang America te in a manzo pan uh hi.
Oklahama khua a Fort Sill ah ki khum in kum 23 sung a kikhumcip zawh ciangin awmna neiin 1909 kumin leitung nusia ta hi.
Tuni dongin galkap sung leh naupangte hangsan ding a kisinsak uh ciang "Geronimo" ciin kiko masa uh hi, kici hi. Hangsan, kuhkal leh tup tintenna nei mite ettehpha suak ahi hi.
4. Black Hawk Helicopter Tawh Kisai Tawm: US Navy ading a tuam vilvel a kibawlsak UH-60 series kici pen galsim ding a haksa mahmah mun ah zat dingin a kibawl hi a ci pawl om hi. A thu thuk tampi genlo in a tuam vilvel deuhna pawlkhat bek gen leng hun inteh. Hih Mupivom banga khauhpai Helicopter pen radar in zong a mat theihloh ding, a niam mahmah leizul ah zong a leng thei ding, ut bangbang a nawhsa a kihei ziauziau thei dinga kibawl hi kici hi. A sik khauhna thautang in pailet zolo ding cihte pawl pen gen kullo in koih vet leng. A gin mahmah zong a kizalo dingin a mei ah a gin hupkang ding kibulh hi kici hi. Tua ciang a sik zong bangteng hel uh hidiam a huham phialphual tawh kibang kici hi.
Abbottabad khua a Osama huang sung a luh lai un zong amau mahmah in zong Helicopter hong leng hi cih a theih uh ciang ziakai luazo, kibu man nawnlo, kisel man nawnlo kici hi. Tua mah bangin amau inn vengte in zong thauging khekkhek bek za uh a, a tawpna ah helicopter kisia pen a kap khap uh ciang a ging ah innvengte khanglo pan hi kici hi. Tua zahta a ging ngaihlo, kidawma galsim thei hih tuak hi. Sihal or gam ui akgu tawh kibang leh kilawm hi.
Tutunga kizang pen UH-60M hi dingin ki um mawh hi. Utility Helicopter Modified cihnopna ahi mai tam. Tua pen bangtawh kibawl cih mite in a theihlohna dingin a nusiat ding pen uh zong Navy Seals te in kapkham in a neen teng zong pua uh a, ahi zongin kamsiat huai takin a mei tawng khat la manlo, mu kha lo in nusia kha uh hi. Pakistan te in tua meitawng panin bang siik nam kizang hiam, bangci kibawl hiam cihte kantel sawm uh hi. Military secret kitheihsak pen gal kido a kizawh sangin zong na a sak zawk uh cileng...
US in bel a hoihzaw, a thak dang khat bawl kik lel lo dia.
Hau Za Cin
Phuitong Liim
No comments:
Post a Comment