KAM HAU UPADI (1-26)
(Code of Kam Hau)
1. LAIBU BAWL NA THU
Khamtung ah, Mangkang kumpipate awng kah toh ma a, Nidang lai in, Sukte ukpipa, Khan Thuam tapa (Kam Hau) khan lai-in, Kam Hau in, Tidim lei tang khempeuh ah ngah khit ciangin, ah mah uk sungah Thu-shia, Thupha, ah awm ciang ah khenna dingin Tidim khua pan (1) Sukte mi, Pau Vum (2) Hatzaw mi, Khawi Lam, (3) Hatlang mi Mang Gin, (4) Zilom mi Kim Thuam, (5) Samte mi Pau Am, (6) Cin Kim, (7) Tel Khat tua teng tawh vai pi hawm a, hih laibu sunga bangbang a thu khenna, ngeina bawl uhi.
Tua nung sang Tidim uk sungah thu shia, thupha ah awm ciangin hi Laibu sunga bang a zui-a thu khen uhi.
Tua banga Nidang lai-in thukhen mi ngeina ah awm hangin, thukhenna ngeina laibu ci a, zanglo hi. Tua ahih ciangin nidang lai a thu khenna ngeina ah awm bangbangin thu
khenna ngeina Laibu awm nang leh Mi khempeuh in zong Tang a thukhenna ZOMI te ngeina hih bang teng hi ci a, ah theih nangin, Ken hih Laibu ka bawl hi.
Tua ciangin khamtung mite, khempeuh in khamtung Zomi Hause, Uhpate, thu khenna, ngeina teng thei leh kuamah peuh mah, khialna, mowhna, nei ngamlo ding hi ci-in, ka
ngaihsutna in, hih laibu ka gelh hi.
Laibu gelhna, Kum 1925
PILOT
Laibu gelhpa
2. KIH NGAIH SUTNA THUU
Hih laibu sung Thu khatkhatte Mangkang Kumpipate awng khanto zawh ciang Hausate in, ah bawlte zawng awm hi.
3. THU NEITE, ZUIHNA NGEINA
1) Thu neite, peuhmah, Hausa kiang
a, thu ah koh ciangin Hausa Uhpa
mai ah, Ju phel-khat tuak lup masa
ding uhi.
2) Tidim mi khempeuh mah, khat leh
khat thu nei uh a, Hausa Uhpa
kiang awng koh ma a ah'mau leh ah'mau ju lup uh a, kihlemkiksa
Thu peuhmah, Hausate kiang awng koh theilo hi. Awng koh hang thu suak nawnlo hi.
4. LO GAM THU
3) Leitung thak khawh nai loh, cing
khat mi khat leh khat ah kih tuh
leh, Hausa in ah kih-kim ah' hawm
saak hi. Tua ciangin ah kih tuh te,
lungkimlo a, Hausa Uhpa thu ah
nial leh ah' nih a, ah' lo tan a, ah
dang mite pia hi.
4) Mi khat leh khat Lo kih' tuh a,
Hausa uhpa in, nah khawl dih in, ah
cih nah pi, khawl nuamlo a, ah kho
teitei te, Hausa uhpa ten ah' khen
ciang, ah' khawh nasa, ahlo ah tan
leh, ah' tha man loh lo hi.
5) Lo hawm nasa khat leh khat Gi ah
kihtuh ah, gih suang ah bawb a, ah
khel leh Hausa Uhpa in, ah' khel
pa, vawk tuk li khat leh ju phel khat
gam a, Hausa leh ah' gen ten ne hi. Tua ciangin ah' lo gi, ah' ngeina
bangin phutkiksak hi.
6) Lo neite in phahtakpi a, shialdi
akaih, min ah' hawn sak a, ganhing
in, lo sunga, An, ah'nek leh, ah'nek
bei zahzah leh, shialdai hawn man,
vawk Tuk thum-thum leh zu phel
khat liau a, seh thum suah, seh-
khat tek hawm uhi.
5. SHING LEH GUA THU
7) Lo lai a, lo nei ten, mim-dep tang
dep a, ah' khawi, shing deihpha
peuhmah, midang ten, ah' phuk
sak a ah' shuib leh, vawk tuk thum-
thum leh ju phel-khat liau a, seh
thum suah, seh-khat lo neipa, seh
khat Innshian, seh-khat, ah' gen ten hawm uh hi.
Daigei a, Shinghalh, ah'kih, guhsak, ah'awm leh, vawk tuk thum-khat leh ju phel khat liau a ah'vawk
leh ah'ju Hausa leh ah'gen ten ne
uhi. Tua ciangin ah'shing guk teng,
shing neipa, piakik-sak hi.
9) Lo sung ah'hi a, gamlak ah'hi
zawngin, Haikung ah'phuk leh,
vawk tukli-khat leh ju phel-khat liau
a, Hausa leh ah gen ten, ne uhi.
9a) Haikung ah' hiang khia, ah'awm
leh, vawk tuk-thum khat leh ju
phelkhat liau a, Hausa leh ah gen ten ne uhi.
10) Shingno deih pha peuhmah, lo
lai hi leh huangsung hi leh, ah'kih
sukshiat-sakte, vawk ah'gual-khat
leh ju phel-khat liau a, ah vawk shingno nei ten, tang hi.
11) Khawhmual a shingno, kih'shuan,
eyah'sat ah'phuk te ju phel-khat liau
a, Hausa leh ah'gen ten ne uhi.
12) Khawhmual ah'hi a, han a hi zongin, shing-gelh leh shuanggelh
ah'suh-shia te, ah'cial na zahzah ah'lang liaua, Inshing tuk-thum khat ah'gen te vawk tuk-thum khat leh ju phel liau hi.
13) Lo hawm nah nai loh, gua po min ah'hah a Lo ah'hawm ciangin ah'hah pan, ah'lo ah'tan kei leh ah'hahsa teng phuk a, ah'po thak Lo tang pan, ngak hi.
14) In-gua ah'hi a, Gam-gua ah'hi zawngin, ah'gua hah-sa, min shiat sak leh, vawk tuk-thum leh ju phel-khat liau a' seh thum suah, seh khat, thu nei pan, khat, Inshan, seh khat, ah'ge
hawm uhi.
15) Gua tuai suh shiat te, vawk tuk
thum khat leh ju phel-khat liau a, Seh-thum suah seh-khat, thu nei pan, seh-khat, Inshian, seh-kkhat ah'gen ten hawm uhi.
16) Mikhat gua shuansa mi khat in a
bawh sak leh, Vawk tuk leh ju phel-khat liau a, suah seh-khat Gua
khat Inshian, seh hawm uhi.
6. GAN HING AN NEK THU
17) Shial, Lawi, Bawng, SahKawl tua teng Mei-kha a kipan October kha dawng, tua sung teng cing ciat hi. Tua kha-guk sung teng, cing nuamlo a, milo a, An ah nek leh Gan khat tungah Vawk tuk thum khat leh ju phel khat liau a, seh-nih suah seh-khat tuak, ah'lo neipa leh Ukpi pan hawm uhi.
Thu suaklo na-1
Shialtal sang li neisa leh shialpi no nei, ah'no Innuai ah awm a, ah'pi vaikuen ten, Lo ah'nek leh bangmah thu awmlo hi.
Thu suaklo na-2
Khawh kim a, shialtual Lo kho ten ah'kim kawt, ah'um zawh kei a, ah'nek leh bangmah thu awmlo hi.
18) Huan sung Anpo zawh a, vawk
ah'hi a, Kel ah'hi zawngin, ta a, (An)
ah'nek leh huan nei pan, ah'denlup-
khak leh, ah'gan shi lang hawm a,
ah'man ah'lang dinhi, ahan nek, liau lo hi.
7. THANG BAWL THU
19) Khum tawi, Thang tawi, thu panin
ah nuai a, bangbangin khen hi.
(a) In'a ih'kawih, gan peuhmah
phakna sunga khum to. Thang
siah, ah'awm a gan ah kiat
ciang ah'gan bangbang a, loh
a, ju phel-khat tawh liau hi.
Ah'ju Hausa leh ah genten ne
uhi.
(b) Tua ciangin ganhingte, bat zawhlo na ah, gan ah kiat a ah awk te, khum
nei, Thang nei ten ah'gan ah lang ne a, ah'gam man ah'lang leh ju phel-khat liau hi. Ah ju Hausa leh ah'gen ten ne uhi.
20) Khum Thang, Pial, Shing luang
thang tua teng a, Mihing ah'awk
a, ah'shi te, Shialpi khat kawhsah-
sat a, Inshian, Vawk tuk-thum khat
ah'gente a ding Vawk tuk-thum
khat leh ju phel-khat zawng liau hi.
21) Khum a, Thang a, sah-awk ah tuak ten, ah'thang neite kiangah ah ko kei a, ah'sa ahlak leh (Gukta) suak hi.
(a) Ngal, Vum, Sahzuk, tua teng ah sa ah'lak te Vawk tuk-thum nga leh ju phel-khat liau a. Thangnei ten, Vawk tuk-thum thum Inshian, Vawk tuk-thum khat ah'gen ten Vawk tuk-thum khat leh ju phel khat hawm uhi.
(b) Sahkuh, Sakhi, Sahthak tua
teng ah'sa, ahla khate Vawk
Tuk-thum leh ju phel-khat liau a,
Thang nei pan Vawk tuk-thum
khat, Inshian Vawk tuk-thum
khat thu gen ten Vawk tuk-thum
khat leh ju phel-khat hawm uhi.
8. KHUT KHIAL THU
22) Mi sihna ciat ciat kibang lo hi. Sa
sa a ah kikapkha, sakap a thautang
pai suak kha, thau bawla khah
suah kha. Khat leh khat ki buan aa,
kam siat thu a shi. Suang tum lawn
a ki kha lum kha. Tua bang teng a
si te, khut khial a hih ciang in lawi
nga leh vok tuk li (4) khat tawh ju
phel khat liau aa, lawi khat Inshian,
vawk tuk li khat leh ju phel khat a
gen ten hawm uh aa, adangteng a
liam ten tang uhi.
23) Sial, lawi, bawng, sakawl, kel, ui,
tua teng lo lai a ta, ahi zongin
gam lakah ahi zongin min saa, sa
akaplup leh a cia cia a loh ding.
24) Mit ki su khial, khut ki sukhial, muk ki sukhial, Bil ki sukhial, Nak Ki
Suakhial, muk ki sukhial, zawl sela
a mel sia a om mit taw khel baite
khut khial ahih manin, sial zabo llau
aa, inn shian Vok tuk thum khat a
gen te ading, vok tuk thum khat len
ju phel khat liau hi.
25) Mi khat in Shi na ah'hi zawnging
Ju'nun na ah'hi zawngin, Shivui na
lampi ah'hi zawngin Mei-ek-kia a,
In ah'kat-sak khak khak leh Vawk tuk-thum khat leh ju phel-khat a, siatvat hi.
26) Ju-nun na, ah hi zawngin Shi na
ah'hi zawngin ju-nek peuhmah a,
Bel kih'kawm lungham thangsia a,
ah'kihtam sak ten. Leibel ah' hi a,
Taubel ah'hi zawngin ah'kihtap sak
leh ah'bel man zahzah leh ju phel
khat liau hi, ah'ju Hausa leh ah gen ten ne uh hi.
(a) Tua ciangin Bel kawm a, Sa
huanna leh An huanna a,
ah'kihsiat sak leh ah'bel man
zahzah leh ju phel-khat liaua,
ah'ju Hausa leh ah genten, ne uhi.
Thu suaklo na:
Ju nun naah' hi zawngin Shi-na ah'hi zawng in, ju nekna, peuhmah ah'bel kih' kawm, hehlo pi a, khuai shuah a, ah pal khap khak leh bangmah thu awmlo hi.
27) Mi khat in SahKawl saplo a ah
kawm a, hi shi-sak leh SahKawl
man zahzah a, loh hi.
(a) Tua ciangin bangzah bangzah
hi tah leh, ah'sap a kawm a, ah'shi leh SahKawl man, ah' lang bek loh hi.
9. MEL HAL THU
28) Mi peuhmah in gamla a, Shing
ah hi' a, Gua ah'hi zawngin, Bi
ah'hi zawngin, An ah'hi zawngin,
deihdeih peuhmah Matkha det ma
in kemkim ding hi. Tua kha detma a
kemlo a mei in ah'kat leh bangmah
thu awmlo hi.
29) Mat-khat det ma a, Gam hal
ah'lawh a, Lo ah kat leh ah'mang ni
khat tawm sak hi. Tua panin, ah mi
shim a, ni-khat tek, mang tawm sak hi.
(a) Shing. Bi. Gua. tua teng ah'ka
leh ah'man zahzah a, loh hi. Shing Bi. Guate ah'tai theilo ah'hi man, ah'loh hi.
Thu suaklo na:
Mi khat in, mun khat a, gam kihal, ah'kih pehpeh, Mei ah'kang zawngin In ah'kang zawngin Ah'tuma ah'hal hi
kei peuh leh bang mah thu awmlo ten ne uhi.
30) Mi khat in, gitloh tum a, mi (In)
ah'hal sak a, ah'In kang a, ah'tum
leh ah'In man zahzah loh a Inshian
Vawk tuk-li khat ah'gen te a ding,
Vawk tuk-li khat leh ju phel khat liau
uhi.
Thu suaklo na:
Khualzin hi leh Gamvak hi leh mi In'a ah'tum a, Dangka. Taubel, Khi, Zam Puin, deihtheih peuhmah, ah'zin te In
tawh ah kat khawm leh bangmah
thu awm lo hi.
31) Mikhat in, gitloh tum a, mi Lobuk
ah'hal sak leh ah'hal ten, ah'tung a
In hal thu bangmah a, liau hi.
10. DAWI TANGNA A ZEHPHI THU
32) Zehphi thu panin, ah'nuai a, bang-
bangin khen hi.
(a) Pusa dawi, Shial zehphite Vawk
tuk-li khat leh ju phel-khat liau hi.
(b) Vawk zehphi te, vawk gual-
thum leh ju phel-khat liau hi.
(c) Ah'dang dawi thawith na pan,
Zehphi leh ah'gawh ciacia,
ah'lang leh ju phel-khat liau hi.
33) Tual bawl na panin Shial in ah'
bawl a, Vawk in ah'bawl a, Ui in
ah 'bawl zawngin Kamhau-uk sung
kih'tanglo hi. Tua ciangin Ukpua peuhmahin, awng phit leh ah'gawh
Ciacia, awng din ding hi.
Thu suaklo na:
Dawitan na ah, sawl ah ah'kih bang kei leh bangmah thu awmlo hi.
11. GUKTAK THU
34) Guta peuhmah bang hi leh bang
hi leh ah'guk lai takin ah'nei pan,
ah'mau leh ah'guk bangbang a
lakkik a, Inshian, Vawk tuk-thum
khat ah'gen te a ding Vawk tuk-
thum khat leh ju phel-khat liau hi.
35) Mi khat in Shial, Lawi, Bawng,.
Sakhawl Kel, Gan khat peuhmah,
ah'guk a, ah'go a, ah'zuak zawngin
a'gan ciacia, khat a, kha-a, Inshian,
a'guk cia khat a'gen te ading Vawk
tuk-li khat leh ju phel-khat liau hi.
Agan neu leh gawl leh ah ciacia a,
liau hi.
36) Mi khat in ah'mah Shial lopi shial
khat man a, ah'bil ah'at leh Vawk
tuk-thumthum leh ju phel khat liau
a, seh thum suah seh khat, Shial
nei pan, seh-khat Inshian seh khat
liau hi.
37) Mi khat in ah'mah Shial lopi, Long
ah'vawh leh, Vawk tuk-thum khat
leh ju phel-khat liau hi.
38) Mi khat in Ui khat ah'guk leh Vawk
tuk-thum leh ju phel-khat liau a,
Ui nei pan, Vawk tuk-thum khat,
Inshian vawk tuk-thum khat, ah'gen
ten, Vawk tuk-thum khat leh ju phel-
khat hawm uhi.
39) Mi khat in Zawhngeu khat ah'guk
leh Vawk gual-nih leh ju phel-khat
liau a, ah zawngeu piakik-sak hi.
Lawngngeu-nei pan, vawk gual-nih
tang hi.
40) Mi khat in, Mi huang Sungah, (In)
luh a, Ak ah'guk leh Vawk tuk
thumthum leh ju phel-khat liau a,
Ak nei pan, Vawk tuk-thum khat
Inshian Vawk tuk-thum khat ah'gen
ten, Vawk tuk thum khat leh ju phel
khat hawm uhi. Ah'Ak kileh lo hi.
41) Mi khat in Mi huang sungah, (In)
luh a, Ak tui ah'guk leh ah'tung a,
Aktui thu mah bangin liau hi.
Thu suaklo na-1:
Aktui tang khat bek ah'guk leh bangmah awmlo hi.
Thu suaklo na-2:
Naupang kum 7 sahgih nuai shiah in, 'Ak ah'hi a, Aktui' ah'guk zawngin,
bangmah thu awmlo hi.
42) Sa peuhmah ah'hawm te thu ngailo a, ah'guk ah'awm leh Hausa Upa in, Vawk tuk-thum khat leh ju phel- khat a gam hi.
43) Mi khat, Sa tansa, mun khata,
ah'kawih, ah'guk, ah'lak ah'awm
leh vawk tukthum-thum leh ju phel-
khat liau a, thu neipan, vawk tuk
thum khat, Inshian, Vawk tukthum-
khat leh ju phel-khat hawm uhi.
44) In'sung a, Sa ah'kawih, ah'gute,
Vawk tukthum-nga leh ju phel-khat
liau a, Sa nei pan Vawk tukthum-
thum, Inshian Vawk Tukthum-khat
ah'gen ten, Vawk tukthum-khat len
ju phel-khat hawm uhi.
45) Mi khat in vaimim Mim, Taang
Kawlmim, Bal, Ga, Be, KawIkal,
Hakai, simainek theih peuhmah,
ah'guk te ah'zah khat a, kha a,
ah'guk tawh nih pha hi. Inshian,
Vawk tukthum-khat ah'gente a ding,
Vawk tukthum-khat leh ju phel-khat
liau hi.
46) Khualzin, Gamvak in ah'gil kial
manin, Lo sunga, Kawlmim-tu, ah'
khiah a, ah'vui ah' paih leh Vawk
gual-khat liau a, ah'An-nei ten tang
hi.
Thu suaklo
Kawlmim tu, ah'khiah a, ah'vui ah'lobuk ah' kawih sak leh bangmah thu awmlo hi.
47) Kawitu, Sahhawk, Mai, Nathang,
Shing. Zahnah, Gahtaiham Tua-
teng, ah'guk leh Vawk gual nih leh
ju phel-khat liau a, Vawk gual nih
ah'An nei ten, tang a, ju phel-khat
ah'gen ten, ne uhi.
48) Haikung ah, hai gah ah'min ah'
puam Naupang ah'hi a, Upa ah'hi
zawngin ah'guk a, Seng a, Bawm
a, ah'puak khia, leh Vawk tukthum-
thum leh ju phel-khat liau a, Hai nei
pan, Vawk tukthum-khat, Inshian,
Vawk tukthum-khat, ah'gen ten,
Vawk tukthum-khat hawm uhi.
Thu suaklo na:
Upa khualzin, Gamvak ah'gil kial ten ah'nek leh bangmah thu awmlo hi. Tua ciangin Naupang ten saili hi leh,
Shuang hi leh deng khia a, ah'nek
zawng, bangmah thu awmlo hi,
ah'hi hangin, Seng a, Bawm a,
puak theilo ding hi.
49) Dangka guk thu panin, bangzah
bangzah ah'guk zawngin, ah'guk
zahzah khat a, Kha hi. Inshian leh
ah'gen te a ding panin ah'nuai a,
kih'at banga, liau hi.
(a) Dangka pek khat pan a, kih 'pan
Sawm nga ciang, ah'guk leh, Inshian Vawk tukthum-khat, ah'gen te a ding Vawk tukthum-khat leu ju phel khat liau hi.
(b) Dangka sawmnga pan a, kihpan Dangka za khat ciang ah'guk leh Inshian, Vawk tukli- khat ah'gente a ding, vawk tukli-khat leh ju phel-khat liau hi.
50) Huang (In) sung a, Puanza,
Puanten, Puannak, Dial, Nik, Luh-
kham, Zah-ip, Kawng-gak, Luh-
khu, Puan a, min piang, ah'guk
ten, ah'guk bangbang, ah'man zah
a, kha a 'In' sung luh man vawk
tukthum-thum leh ju phel-khat liau
hi. Tua sung panin ah gen teh
Hausa ten hawm a tuk thum khat,
thu nei pan tang hi.
51) Taubel Zam, Dakbu, Daktal Saiha
tuateng ah'gukte, ah'mau sep a,
ah'man zahzah nih leh Inshian,
ah'man zah khat tawh ah'gen te
a ding Vawk tukli-khat leh ju phel-
khat liau hi. Ah'man zahzah nih, thu
nei pan tang hi.
52) Khi thu panin, bangkhi bangkhi
hih leh, khi peuhmah ah'gukten,
ah'tung a, Taubel guk thu bangmah
in liau hi.
53) Mi ngawng a khi ah'awh kim lai,
ah'sut ah'hi zawngin ah gu a,
ah'lahte Ukpi pan Vawk tuk thum-
thum ah'tuam a, gam a, Ukpipa in
tang hi. Khi nei te leh ah'gente a
ding panin ah tunga Taubel gukthu
bangmah aliau hi.
54) Lo nei ten, lobuk a, ah'kawi, Tu,
Hei, Tem, Temtawng, Bel, Um,
deih thei peuhmah ah'gu a, ah'a la,
ah'awm leh (In) sung luh thu mah
banga, liau hi.
55) Gam palak a Shingshuih sa peuh-
mah ah'gu a, ah sattan te vawk
tukthum-thum leh ju phel khat liau
a, Seh thum suah seh khat, thu nei pan seh-khat Inshian, Seh-khat.
ah'gen ten, hawm uhi.
56) Bi ah'guk ten, ah'bi piakik a, ju phel khat a, kha hi.
57) Han ah'hi a, Khawhmual ahlhi
zawngin Dial kih khi, ah neite thulo
a, ah'guk leh vawk tukthum-khat
leh ju phel khat liau a, Hausa leh
ah'gen ten ne uhi.
58) Akgiasawm tunga, Sawn leh Vah
phual mul, In'a, ah'guk leh vawk
tuk thum-khat leh ju phel-khat liau
a, Hausa leh ah'gen ten ne uhi.
59) Shingno deihpha peuhmah Lolai hi leh, Huang sung hi leh ah'kih guk
sak ah'awm leh vawk gual khat leh
ju phel khat liau a, ah'vawk Shingno
nei ten tang hi.
60) In gua ah'hi a, Gam gua ah'hi
zawngin, ah' gua hahsa min ah'guk
leh vawk tuk thum khat leh ju phel-
khat liau, seh thum suah seh khat
Gua nei pan, seh-khat, Inshian seh
khat, ah'gen ten, hawm uhi.
61) Gua pum sawm nuaishiah, ah'guk
te vawk tuk thum khat leh ju phel
khat liau a, Seh thum suah, seh khat,
Gua nei pan, seh khat, Inshian seh khat ah'gen ten, hawm uhi.
62) Gua pum sawm, tungshiah, ah'guk leh vawk tukthum thum leh ju
phel khat liau a, Gua nei pan,
vawk tukthum-khat, Inshian vawk
tukthum-khat, ah'gen ten, vawk tuk thum-khat hawm uhi. Ah'gua nei
ten tang kik hi.
63) Guaheh bawlsa, In'ah, ah'hi a
Gam'ah ah'hi zawngin, tang za
nuaishiaha, ah'guk leh vawk tuk- thum-khat leh ju phel-khat liau a
Seh thum suah seh khat, thu nei pan, seh khat Inshian seh khat, ah'gen ten hawm uhi.
64) Guaheh bawlsa, tangza tungshiah
ah'guk leh, vawk tukthum-thum leh
ju phel khat liau a, vawk tukthum
khat thu neipan vawk tukthum-khat.
Inshian, Vok tuk thum khat ah gen
ten, hawm uhi.
65) Cihhal kih'guk-sakte, vawk tukthum thum leh ju phel-khat liau a, seh- thum suah seh-khat ciat, hawm uhi
66) Mi khat in ngawi a, kia, Nagasa
ah'guk leh vawk tukthum-thum leh
ju phel-khat liau a, ah'ngawi nei ten
vawk tukthum-khat, Inshian, vawk
tukthum-khat, ah'gen ten vawk
tukthum-khat hawm uhi.
Thu suaklo na: Ngasa a la te'n
Ngawi neite kiangah agen leh bang
mah thu awmlo hi.
67) Ngawi-liah, kihshim-sakte Shial
zabo khat tawh Inshian, vawk tuk-
thum-khat, ah'gen te a ding vawk
tukthum-khat leh ju phel-khat liau
a, ah'shial Ngawi nei ten tang hi.
68) Mi khat in, Khuai ken ah'guk leh
Khuai tawi ah'man sep a, kih'nau
puak a, liau a, Inshian, vawk tuk-
thum-khat, ah'gen te a ding vawk
tukthum-khat leh ju phel-khat liau
hi.
12. THU IM THU
69) Mi kiatsuah ah'hi zawngin, deihtheih peuhmah ah'muh ten, Hausa, Upa kianga, ko a Upa ten tangko hi. Upa, Hausa kianga, ah'kolo a, ah ip leh gukta suak hi.
70) Shial, Lawi, Bawng SahKawl, Kel tuateng ken'a kia, ah'shi khawngte,
ah'nei te, dawnglo a, ah'nek leh
ah'gen man lang loh a, Inshian
vawk tukthum-khat ah'gen te a ding
vawk tukthum-khat leh ju phel-khat
liau hi.
71) Shial, Lawi, Bawng, SawhkKawl, Kel tua teng, Ngia nek, Sahhang nek
ah'tuak a, ah'neite kolo a, ah'sa
ah'lak a, ah'nek leh vawk tukthum-
khat liau a ah'vawk ah'gan neiten,
tang hi.
72) Khawh sung a, gawl kawm a, Ak
vak mi in ah'den lup a, ah'sel a,
ah'sa ah'nek leh vawk gualno-nih
leh ju phel-khat liau a ah'vawk
gualno-nih Aknei ten tang hi.
Thu suaklo na:
Ah deng lum ten, Ak neite kiangah deng lum kha hi ci'a ah' Ak shi ah'neite piak kik leh bangmah thu awmlo hi.
73) Gam sah liang leh In-sah iang im
te ah'nuai a, kih'at at bangbang a liau hi.
(a) Sahkuh, Sahkhi, Sahthak, Sal-
za, Sahzuk, tuateng liang ah'
imte, liang khat tunga, Dangka
pek 3/- liau hi.
(b) Tung-shial, Zang-shial, Ngal,
Vom tuateng liang ah'im te,
liang khat tunga Dangka pek
6/-tek liau hi.
(c) Shial, Lawi, Bawng, SahKawl,
tuateng liang ah'im te, liang
khat tunga, Dangka pek 6/- tek liau hi.
(d) Vawk leh kel liang ah imte, liang
khat tung a, Dangka pek 3/- tek
liau hi.
74) Cih Shial peuhmah ah'im te, vawk
tukthum-khat leh ju phel-khat liau hi.
13. MIN DAINA THU
75) Mun khat a min, mum khat a awm ah'min dai hen ah'cih man a, lai
sung ah'hi zawngin' ah'kam, ah'hi
zawngin ah'gen sia a, Zum nang,
dai nang a, thu ah'gente, vawk tuk
thum-thum leh ju phel-khat liau a,
Thu nei pan, vawk tukthum-khat,
Inshian vawkthum-khat, ah'gen ten
vawk tukthum-khat leh ju phel-khat hawm uhi.
76) Mi khat in Kau neilote kiang a, kau nei ah'ci leh ah'ci pan Lawi giat
leh ju phel khat liau a, Thu nei pan
Lawi-nga tang a, Inshian, Lawi-nih
ah'gen ten Lawi-khat leh ju phel
khat hawm uhi.
77) Mi khat in Kau neite kianga, Kau nei aw ci a, ah ko leh vawk tukli-khat
leh ju phel-khat liau a, ah'vawk leh
ah'ju teng, Hausa leh ah'gen ten, ne uhi.
Thu suaklo na 1:
Kau nei leh Kau neilo, ah'kih tawth a, kau nei pan, Kau neilote heh nang ah'gen mah sak a, Kau neilo pan, Kau nei aw ci a, ah' ko hangin bangmah thu nawnlo hi.
78) Mi khat in mi khat 'Na' ah'hi zawng-in, Dangka ah'hi zawngin, Gan
ah'hi zawngin ah'guklo pi, gu hi ci
a, kih shuan khial te ah'nuai a, kih
at bangbangin, liau hi.
(a) Shial, Lawi, Bawng, SahKawl,
Zam, Khi manpha, Dakbu, Dangka sawm-nga tung shiah gu hi ci a, kihshuan khial te, vawh tukthum-thum leh ju phel-
khat liau a, thu nei pan vawk
tukthum-khat tang a, Inshian,
vawk tukthum-khat ah'genten
vawk tukthum-khat leh ju phel-
khat hawm uhi.
79) Mi khat in mi-khat, (Su) lu lopi Su-lu a ah'shuan khialte, vawk tukthum- thum leh ju phel-khat tawh sum ah kih khap leh sum ah'ah'kih
a khap zahzah tawh liau hi. Vawk tukthum-thum pan, Thu nei ten
vawk tukthum-khat tang a, Inshian,
vawk tukthum-khat, ah'gente vawk
tukthum-khat leh ju phel-khat hawm
uhi.
80) Sai, Zangshial, Vum, Ngal, Sa
khempeuh gamsung pan a, ah'man
a, kihthang zo nahpi in, Nang mat,
hilo hi. Kei mat hi cite vawk tukli-
khat leh ju phel-khat liau a, Hausa
leh ah'gen ten ne uhi.
(a) Nang mat hikei, Mi-mat hi
ah'cite, vawk tukthum-khat leh
ju phel-khat liau a, ah'vawk leh
ah'ju teng Hausa leh ah'gen ten, ne uhi.
81) Hausa sawl a, Uhpa Pahzang vak
te Khawh sung nautang ten, ah'thu
a, genlo a, ah'vua, ah'ko shiah te
vawk tukthum-khat leh ju phel-
khat liau a, ah'vawk leh ah'ju teng
Hausa, Uhpa, ah'gen ten ne hi.
82) Shuankhel na thu ah'hi a, ah'dang
thu ah'hi zawngin, Hausa Uhpa
mai ah, Sum a kih khap uh leh
ah'mawh pan, ah'mawhna ah
ngeina bangbang a, liau ding a,
sum ah'kihkhapna pan, ah' kihkhap
zahzah a, ah' tuam a liau hi.
83) Sum ah'kihkhapna a Inshian leh
ah'gente a ding pan, ah nuai a
bangbang a, liau hi.
(a) Sum kihkhapna, Dangka Sawm
nga nuaishia ah'hi leh, Inshian,
vawk tukthum-khat ah'gente a
ding, vawk tukthum-khat ah-
gente a ding, vawk tuk thum-
khat leh ju phel-khat liau hi. Zleh ah'gente a ding vawk tukli.
khat leh ju phel-khat liau hi.
14. NUPA KIHMAK THU
84) Numei khat leh pasal khat ah ki ten a, ah'kih lak ciangin, ah'lak ten.
(tha man) Dangka pek 4/- pia a, Sa
ah gawh leh mai hi.
(a) Ah' pasal in, deih nawnlo a
ah' mak, nuam leh mak theih
hi. ah'hi hangin, Tha man, Mo
liah man, Sah sheng puak man,
bangmah lakkik thei nawnlo hi
(b) Numei in dei nawnlo a, ah-
mak nuam leh mak thei hi.
Ah'hi hangin, pasal ten, Tha-
man Dangka 4/- pia nah pi a,
ah'numei ten, sa ah'puak kei
uh leh Thahman leh Mo liah
man, pasal ten, piakik ding uhi.
85) Pasal khat in, Numei khat, ah'
tenpi sa, ah'nuhmei mawhna neilo
pi a, Ta nei nailo a, ah'mak leh
vawk tuk li-khat, a kha a, Inshian,
vawk tukthum-khat, ah'gente a ding
vawk tukthum-khat leh ju phel-khat
liau hi.
Thu suaklo na: Numei mawhna awm a, mak ah'hi leh bangmah thu awmlo hi.
86) Pasal khat in, in ji leisa lungkim
loin, mak leh bangmah thu awmlo
hi. Ah hi hangin, Nuhmei man, kih
leh thei nawnlo ding hi.
(a) Ah pasal in, ngai nahpi a, ah
in, deilo a, ah'ciah leh pahsal
ten ah'man ah'piaksa teng, ah-
lakkik thei hi.
87) Pasal khat in, Numei khat ah
tenpi a, (TA) ah nei a, ah'nei kel
zawngin ah'pasal te, in'a, ahja
ah'shi leh ah'lak a, Numei man,
ah kih ciamna zahzah ah'lang pia hi.
88) Pasal khat in, Numei khat tawh,
kih ten a, Ta pahsal, ah'nei zawh
ciang, ah'man pia nailo a, ah' pasal
shi te, ah'nu in, ah' Ta, ah'ngak leh,
ah'man ah'nget zahzah pia hi.
(a) Ah'nu in ah Ta ngaklo a, ah'ciah
leh ah'nuhmei man, ah'piak
zawh leh, ah'pasal ten, ngen
kik thei nawnlo hi, ah'piak naai
kei leh Numei nung lam ten,
ngen kik thei nawnlo hi.
89) Pasal khat in, Numei khat tawh
mawh a, ah'gai ciang, ah'tenpih
nawp kei leh vawk tukthum-sagih
leh Uipi khat tawh ju phel-khat tawh
liau a, vawk tukthum-nga ah'gai ten
tan a, Inshian vawk tukthum-khat
ah'genten, vawk tukthum-khat leh
ju phel-khat hawm uhi.
(a) Ah'Numei gai a, Ta suah ciang
ah pa ten, ah'deih leh, ah'vak
man, shial Zabo khat pia a, ah'nau la thei hi.
90) Ah'gai pa in, vawk tuk thum- sagih ah'liau manin, ah'gai nu, suak'henla, Shi leh, ah'gai pa, Lawi giat leh ju phel khat liau a, ah'gai te'n Lawi-nga tanga a, Inshian, Lawi nih, ah'gen ten Lawi-khat leh ju phel-khat hawm uhi.
Thu suaklo na: Ah'gai pa in, vawk tuk thum-sahgih liau khit ciang, ah'gai nu ah' Ta ah suan a ah'shi pih hang, ah'gai patungan, bangmah thu awmlo hi.
15. ZI KISUT THU
91) Pasal khat in, ah'dang pahsal khat Ji, ah'khum sak a, ah'luk zawh a,
ah pahsal in, ah'mak leh, ah khum
pa, Lawi giat leh ju phel-khat liau a,
ah tuam a, vawk tukthum-khat go
mahsa hi. Lawi giat lak panin, thu
neiten, Lawi nga tang a, lnshian, Lawi nih ah' genten, Lawi khat leh
ju phel-khat hawm uhi.
(a) Ah'pasal in ah ji ah'mak ngam
kei leh ah'khum pa, Lawi li leh
vawk tuk li-khat tawh ju phel-
khat tawh liau a, thu nei pan
Lawi thum tang a, Inshian,
Lawi-khat, ah'gen ten vawk tukli
-khat leh ju phel-khat hawm uhi.
92) Pasal khat ji ah'dang pahsal khat
in, ah'suh leh, Lawi-giat leh vawk
tukthum-khat ju phel-khat tawh liau
a, thu nei pan Lawi-nga tang a,
Inshian, Lawi-nih ah'gen ten, Lawi-
khat leh ju phel-khat hawm uhi.
(a) Thu nei pan, ah'ji lei na, ah'
Nuhmei man teng lakkik thei hi.
93) Tangval khat leh Nuh'ngak khat
kihten ni cia, phahtakpi a, Thu-
ciamsa ah'dang Tangval khat in,
ah'hek khiata, ah'nuhmei in, ah'deih
zaw a, ah'hek pa tawh, ah'kih ten
leh ah'nuhmei, ah'zuau manin,
Shial zabo-khat leh ah'genten a
ding vawk tukthum-khat leh ju phel-
khat zawng liau hi.
Thu suaklo na: Ah'hek pa in,
ah'hek hangin, ah'numei tawh kih
-ten kei peuh leh bangmah thu
awmlo hi.
16. PASAL TEN NUHMEI TE AH'UTLO PI A, AH'KIH BUAN THU
94) Lampi ah'hi a, Gamlak ah'hi
zawngin Khua sung ah'hi zawngin,
Nuhngak leh Meigawng ah'hi a,
Nuhpi ah'hi zawngin Nuhmei te
ah'utlo pi a, ahbuan ah'awm leh
ah'nuai a, kih'at bangin liau hi.
(a) Pasal khat in, Nuhngak ah'hi
a, Meigawng ah'hi zawngin,
Nuhmei ah'utlo pi a, ah'buan leh ah'buan pa, Shialpi-khat
tawh Inshian, vawk tukli-khat,
ah'gen te a ding vawk tukthum-
khat leh ju phel-khat liau hi.
(b) Pasal khat in, Nuhpi pahsal
awm te, ah'utlo pi a, ah'buan
leh Lawi giat leh ju phel khat
liau a, Thu nei pan, Lawi nga
tang a, Inshian Lawi nih ah'gen
ten Lawi khat leh Ju phel-khat hawm uhi.
95) Pasal khat in, Meigawng Tahpa
ngak a, awm, ah'khum a, ah'luk
zawh a, Meigawng in lungkim lo a,
Hausa kianga, ah'koh leh ah'khum
pa, Lawi giat leh vawk tukthum-
khat tawh ju phel-khat tawh liau hi.
Ah'hawmna pan in, thu num 91a
bangbang a hawm hi.
96) Pasal khat pai a, Numei pahsal
nei a, nawi, ah'khut in, ah'mek
ah'hi zawngin, ah'kam in ah'tep
ah'hi zawngin vawk tukthum-sagih
leh Uipi-khat tawh juphel-khat tawh
liau a, Ihshian, Uipi khat leh vawk
tukthum-khat ah'gen ten
tukthum-khat leh ju thunei ten vawk tukthum-nga tang hi.
17. MIHING TUNGA, KIHSHUAM THU
97) Mi khat in, ah'dang mi khat, thah
tum a, Thau ah'hi zawngin hiam
peuhmah ah'hi zawngin shuang-
tum, Shing khua ah'hi zawngin that
leh, ah'thatpa, Lawi sawm leh Lawi
khat tawh, Tual shianna tawh ju
phel-khat tawh liau a, ah, mahsa
pen a, vawk tukli-khat go a, Inshian,
Lawi nih, ah'gen ten Lawi khat leh
ju phel-khat, ah'shi ten Lawi giat
tang hi.
98) Mi khat in mi paina ah'lampi a, Mi
sun hen ci'a, So, ah'dawh a Mi sun
a, ah'shi leh, ah'tung a, bangbang
mah a liau hi.
Mi khat in ah'dang mi khat ah
muhdah manin, shi hen cřa, Bum
ah'hi a, Zatui piak ahhi zawngin,
ah'shi leh ah'shi ten ah'man takpi a,
ah'theih Midang ahgen ding bang,
ah'ngah nak leh, Mihing khat tung,
Lawi-giat leh ju phel-khat liau a,
ah'shi ten, Lawi nga tang a, lnshian
Lawi-nih ah'gen ten Lawi khat leh
ju phel-khat hawm uhi.
99) Numei ah'gai ten, ah'sunga, Ta shi
hen ah'ci na in, Zatui ah'hi zawngin
ah'dang shih theh na peuhmah a,
ah bawl a, ah'Ta, ah'shi leh Lawi-
giat leh ju phel-khat liau hi.
100) Mi khat in, ah'dang mi khat, thah
tum a, Thau ah'hi a, Hiam peuh-
mah ah'hi zawngin, Shuang tum,
Shingkhuah ah'hi zawngin ah'that
a, ah'shi lo hangin, Mit-tawh Khel
bai. Nahsem, shilbawl zolo a, ah'-
awm leh, Lawi-giat leh vawk tukli-
khat tawh ju phel-khat tawh liau
a, Thu nei ten, Lawi nga tang a,
Inshian, Lawi nih, ah'gen ten, Lawi
khat leh vawk tukli-khat tawh ju
phel-khat tawh hawm uhi.
101) Mi khat in Mi paina, a'lampi a, Mi
sun hen ci'a, So ah'dawh a, mi sun
a, ah'shi kei leh Shialpi khat tawh,
Inshian vawk tukli-khat ah'gente a
ding vawk tukli-khat leh ju phel-khat
liau hi. Ah'shial thu nei ten tang hi.
102) Mi khat in, Nuhmei ah'hi a, pahsal ah'hi zawngin hehna nei a, Hausa, Uhpa kiang'a, kolo a, ah'mah thu a, Mi sam ah'at sak leh shialpi-
khat tawh Inshian, vawk tukli-khat
ah'gente a ding vawk tukli-khat leh
ju phel-khat liau hi.
103) Mi khat in Mi sun hen ci-a So
ah'dawh a min ah'muh leh, ah'so
dawh pa ah'thei leh, Shial zabo
khat tawh ah'gente a ding vawk tuk
thum-khat leh ju phel-khat liau hi.
104) Ju'nekna a, Mi khat leh khat
ah'kih tawth ciang, Khat in, nang
ci a, Temta, ah bul ah'leth ah'hi a,
ah'dawh a, ah'van leh ah'nuai a,
kih at bangbang a liau ding hi.
(a) Temta ah'bul ah'leth leh ju phel-khat liau hi.
(b) Temta ah'dawh a ah'van leh
vawk tukthum-khat leh ju phel-
khat liau a, Hausa leh ah'gen ten ne uhi.
18. GANHING TUNG A, KIHSHUAM THU
105) Lolai a, ta, Shial, Lawi, Bawng,
SahKawl, ah'lo nei ten, Teipi ah'hi
zawngin ah'sut a, ah'sat a, ah'shi
leh ah'gan man ah'lang liau a,
ah'liau pan ah'sa ah'lang ne hi.
(a) Ah'shi kei a, ah'liam leh ah'lo
nei ten, ah'mutpa guai hi.
106) Shial, Lawi, Bawng, SahKawl
tua teng ah'mit ah'dengte, ah'dam
mateng mut sak a, ah'deng pa in,
ah'mut, pa thaman pia hi.
(a) Tua ah'gan mit pen, ah'dam
zawh kei leh ah'gan cia pia a,
ah'den pa in, ah'mitna tang hi.
Thu suaklo na:
Shial Cing naupang te in, Shuang in, ah'deng khial zawngin, Saili in ah'kap khial zawngin, ah'deng khial leh ah'kap khialte, Gan mit ah'deng kha
hangin, bangmah thu awmlo hi. Ah
hi hangin Mi ah'muh dah man a, Mi
Sum hen ci'a mi gan, Shuang ah'hi
a, Saili ah'hi zawngin, ah'den a,
ah'kap a, Gan mit ah'den kha leh,
ah'tung a, thu um 107 bangbanga,
liau ding hi.
107) Shial, Lawi, Bawng, SahKawl,
tua teng ah'tawlh sak ten, vawk
tukthum-thum leh ju phel-khat liau
ah'gan nei ten, vawk tukthum-khat
tang a, Inshian, vawk tukthum-khat
ah'gen ten, tukthum-khat leh ju
phel-khat zawng liau hi.
(a) Ah'man tak a, sat'a, ah'ta ah-
tawlh a, ah'pi in, ah'shipi leh,
ah'pi man zahzah leh Inshian,
a ding vawk tukthum-khat ah-
gente a ding vawk tukthum-khat
leh ju phel-khat zawng liau hi.
108) Kel vawk Ui tua teng ah'deng
tawlh ah'sat tawlh ten, vawk ah'gual
nih leh ju phel-khat liau hi.
19. MIHAI TAT NA THU
109) Mihai peuhmah in, In, ah'hal ah'hi
zawngin, Lo ah'hal, ah'hi zawngin
sum deih theih peuhmah ah'guk
zawngin, bangmah thu awmlo hi.
110) Mihai khat in, ah'dang mi khat thah khak leh shialpi khat a, kawhsah hi.
20. THU NIAL THU
111) Hausa in mihing khat ah'sap a, Lai ah piak a, ah'tel tak a, zah napi in
ah'pai kei leh Dangka pek sawm
gam hi.
Thu suaklo na: Ah'sap pa, ah'ci
ah'nat ah'awm kei leh bangmah thu
awmlo hi.
112) Lamsial un ci'a thu piakna lai ngah nah'pi a, Lam siallo a, lei sia singluang Mimcim ah bawl lote, Ukpi
pan, Shialpi-khat gam hi.
(a) Tua ciangin, SahKawl nei pan, ah'ma SahKawl ah'shi leh SahKawi man ngah thei ding hi. SahKawl ah'shi kei leh bangmah ngah theilo ding hi.
113) Tidim uk sung a ah'lam shikna
ciat Lei-sia, ah'hi zawngin, Lamsia
ah'hi zawngin SahKawl ah'kiat a,
ah'shih leh ah'man loh a, Ukpi pan,
shial zabo-khat agam hi.
114) Khawh khat a, nattung a, khua
khat leh khat khat kih'hawh kei un
ci'a, kham a, Lam kih'khak nahpi,
ah'pai teitei te, vawk tukthum-thum
leh ju phel-khat Ukpi pan gam hi.
115) Khawk khat a, Ganpul ah'awm
ciangin, Gan hawl ding ah'hi zawng-
in ah'si ah'puak ding ah'hi zawngin
Hausa leh Uhpi te in, kham nahpi,
ah'sa ah'puak a, ah'hing ah'hawl a
awm leh Ukpi pan, Shialpi khat a
gam hi.
116) Thu phahmawh na laite peuhmah ah'sun ah'zan in, Khuah-khat pan, khuah-khat ah, Lai tai hen, ci'a sawl nahpi ah'sawl bangbang a, tailo a, ah'lai tun hun ah'pelh sak leh ah'lai tai pa vawk tukthum-khat a gam hi.
117) Tidim uksung a, Miteng khempeuh khualzinna, Gamvakna ah, ah'ci ah'na a ah'shi zawngin, ah'kih puak a, ahpuak nuamlo khua, ah'awm
leh Ukpi pan, Shialpi khat-a gam hi.
118) Khawh sung a, Hausa leh Uhpa
te in phatmawhna khempeuh a,
gawh ding, ah'deih bangbang piak
ding a, gan ah hawl a, in, nawi a,
ah'khumsa, ah'neiten ah'khah khiat
leh Hausa in, vawk tukthum-khat
leh ju phel-khat a gam hi.
21. INN LUAH THUU
119) In luah thu panin, ah beh ah'a
tang ngeina zui a, U nau sung pan,
U pa pen Inluah leh, ah'Nau tum
pen, Inluah tawh nam nih awm hi.
120) Mi khat in, Ta pahsal tampi ah'nei zawngin Upa penin, Inluah ah'hi
zawngin ah'nau tum pan, Inluah
ah'hi zawngin, ah ln luahlo tengin,
ah'Nute, ah'pa te leh ah'Inluah pa
thu, mang leh, khialna mawhna.
ah'nei a, Sum ah'shin khial zawngin.
ah'Nu te, ahPate, In'a, ah'ten lai
teng, ah'Inluah pan, liau hi.
(a) In ah'tuan khit a, In ah nei zawh
leh, ah'mah liau hi. Tua ciangin,
ah'mah ah'liau zawh kei leh
ah'beh ten, huh nuam leh
huh thei hi. Ah'huhna, Sumte
ah'liau pan, ah'nei peuhmah
ciangin, lohkik hi. Tua bangte
ah'met ah'khang awm ngeilo hi.
(b) Ah neu tung a, kih pan ah'hi
a, ah'gawl zawh ciang ah'hi
zawngin, ahNute, ah Pate, thu
leh Inluahpa thu mang lo a,
ah'vakthawng a, ah'Nu, ah'Pa
hilh zawh lo a, ah'Nu ah'Patawh
ih'shi zawngin, kih'dawn nawnlo
ding hihang ci'a, thu ciamsa te,
Leiba ah'nei zawngin, ah'nu,
ah'pa leh Inluah pa tung a, shik
theilo hi.
121) Ah In tuante Zi, ah'Nu ah'Pa leh
Inluah ten, bangzah bangzah man
leh leisak hi.
(a) In ah'tuan ciangin, ah'nu te,
ah' pa te leh Inluah pa in, Hawi
ah'sak zah a, In tuan hi. In'ah
tuan ciangin, ah In tuanna,
Sum ah'hi zawngin Lo gam ah-
hi zawngin ah'Uhpa, ah'Nau
lai, ah'Nau tum kih khe sak a,
ah 'neu pen in, tawm tang pen hi.
122) Kuah mah peuhmah ah In tuan
ma-in, Sum ah'tun zawngin, Sa
ah'kap zawngin na tampi ah'sep
sak zawngin ah'Nute, ah'Paten ah
neu tunga, ah'vak ah'hi ciang phul
theilo hi.
22. NAUZAW IN LUAH, NU NIH NU
THUM NEI, THU
123) Mi khat in, ah'zi masa tawh Ta
pahsal khat ah'nei khit ciang ah'zi
shi leh a, Zi dang tawh, Ta pahsal
tampi ah'nei zawngin, ah zi mahsa
Ta penin, Inluah hi.
124) Mihing kih banglo hi. Upa penin,
Inluah ah'hi zawngin, Nau tum penin, Inluah ah'hi zawngin Nu nih Nu Thum neite kih lemlo a, Inluah pa, In'ah'tuan leh In mun Logam ah'hi zawngin Sum ah'hi zawngin ah'deih teng, la masa hi. Tua ciangin ah'zi nung, Ta, ah'hi
zawngin ah'nu te, ah'pate vakpen
in zawm hi.
(a) Tua ciangin, ah'nu ah'pa ah'shi
khit ciang ah'Inluah dingpa in,
ah'nu ah' pa In hawih ah'sak
zawk leh ciah kik hi. Ah'nu ah' pa
ah'shi ciangin, In, ah'tuan hang
kawh sah sat a, vui hi, ah'nu
ah'pa ah'vak pen, ah'lnluahpa
In'a, tuam a, teng hi.
125) Tua ciangin, Inluahpa in, Nu kik
Ta, ah'hi zawngin Nau numei neřa,
ah'numei ten Pahsal ah'nei leh,
ah'man ne hi. Ah'nau pahsal ah'nei
leh ah'zi lei sak hi. Ah'naute, shi leh
Inluah pan, vui hi.
126) Tua ciangin, ah'pa ah'zi nung
tawh 'In' ah'tuan leh ah'lnluah pan
ah'nu leh ah'pa In, ding lamsak
hi, Sum leh Shial ah'hi zawngin
ah'nek khawp ding khen hi. An'In
tuan na'a, Ta pahsal ah'nei a, ah'nu
ah'pa vak awm leh, ah'ln tuanna
pan a, ah'lamteng, ah'vak penin,
tang hi. Ah'nu te, ah'pate, ah'shi
ciang, ah'inluah pan ah'luang pua
a, ah'In a vui hi.
23. THU KHEM PEUH
127) Mi khat leh khat heh lopi, ah'heh
nang a, ah'dang mi khat in, ah'-
suktuah leh vawk tukthum-thum leh
ju phel-khat liau a, seh-thum suah
seh-khat tek a hawm uhi.
128) Khual zin ah'hi zawngin, Gam
kuan ah'hi zawngin, Sum zong a, ah
vak ah'hi zawngin ah'hawmlo kal a,
ah'nute, ah'pate, ah' Ute, ah' beh te,
dah hen ah' cih man a, ah'kam ah'hi
zawngin, Lai sung ah'hi zawngin
Shi hi ah' cite, vawk tukthum-thum
leh ju phel-khat liau a, Seh thum
suah seh khat ah'hawm uhi.
129) Mi khat in Gamlak'a awm, ganhing ah'hawl a, khua a, In nawi khat peuhmah ah'khum, nah kemin, ci' a ah'In neite kianga, gen nahpi, ah'
zan ciang ah'khah a, ah'gan paikhia
gamlak a, ah'shi leh vawk tukthum-
khat leh ju phel-khat a, gam hi.
130) Thau vui buth ten, ah'buhna,
phual ah'hi zawngin, ah'tui sa, ah'hi
zawngin, phatakpi a, ah'um kei a,
ah'kep kei leh ganhing peuhmah
hin, ah'nek a, ah'shi leh ah'ganhing
peuhmahin, ah'nek a, ah'shi leh
ah'gan shi man alang loh a, ah'sa
ah'lang ne hi. Inshian ding, vawk
tukthum-khat leh ah'gente a ding,
vawk tukthum-khat leh ju phel-khat
zawng liau hi.
131) Tidim Uk sung a, Gan peuhmah
ah zan man, kuamah kih'ne theilo
uhi. Tua ciangin, Khawh khat leh
khawh khat thu kim a, ah'kih kawm
leh ah'kih ciam nah zahzah kih' pia hi.
132) Khat leh khat, Sum kih'lei a,
Zan khat tamsa ah'lung kia'awm
zawngin kih khel thei nawnlo hi. Tua
ciangin, ah'mau thu kimin, Hausa
ko kei leh bangmah thu awmlo hi.
133) Tidim Uk sungah, Zan ah'hi a,
Sun ah'hi zawngin, In, Lam haih
ah'awm leh thu suaklo hi, ah'hi
hangin, Mi Ukpua dang ten, awng
nek leh Tidim Uk a, Mi ten zawng,
ne ding hi.
134) Tidim Uk sunga, ah'zawng ah'hi
zawng, ah'mang ah'hi zawngin mi
hinglai nahpi a, ah'suak thakte in,
ah'hingte, min, tawh kih khat ah
phuak leh vawk tukthum-khat leh
ju phel-khat liau ding a, ah'min khel
kik ding hi.
Thu suaklo na: Ah'hing laite Min
hi ci a, ah'theilo man ah'phuak kha
leh bangmah thu awmlo hi.
135) Tui zawl lak, nah-aing a, teng te
in, Tuikhuk, Tuikuang a, tawilo a
Tuizawl pan a, Bel a, ah'dawh khiat
leh Tui nei te, nah dawh nawn ken
ci'a, hilh nahpi a, ah dawh teitei leh,
vawk tukthum-khat leh ju phel-khat
liau a, Seh-thum suah, seh-khat tek hawm hi.
(a) Tua bang a, ah'liau khit ciang
ah'dawh teitei lai uh leh vawk
tukthum-thum leh ju phel-khat
liau a, Tui nei ten, vawk tuk-
thum-khat, Inshian, vawk tuk-
thum-khat ah genten vawk
tukthum-khat leh ju phel-khat
gawm uhi.
136) Naupang gihlo te in, Tui zawl
ah'sat sak leh ah pate in, ah'dang
Tuizawl ah'thak shui sak ding uhi.
(a) Tuizawl thak ah'shui sak nawp
kei uh leh vawk tukthum-khat
leh ju phel-khat liau ding hi.
137) Tidim Uk sungah, khawh khat pan, khawh khat a, Mi ah lal leh, ah'In
Hausa ten khak hi. In, ci ciangin
(In-Ka, Kong-gawl, Huansak-gawl,
Huangkhang-gawl Phai-tam gawl)
tuateng ah'vekpi in, In, suak khin hi,
138) Ukpua a, Shial zuak awm leh
ah'liang man Dangka pek khat sah
liang kaite pia hi.
Thu suaklo na:
Ah'hi hangin An tawkna a, Shial ah'paih leh ah'liang man pailo ding hi.
24. SUM LEI TAWI NA THU
139) Kuamah peuhmah, Mi khat kiang a, ah'ni ah'kha phatakpi a, ciam'a Sum peuhmah, ah'leitawi a, ah'ni, ah'kha, cin ni'a, ah'piak nuam kei leh ah'Sum leitawi cil'a ah'kih ciamna,
bangbang a, laksak hi. Inshian leh
ah gente a ding pan, Thu num 11.
Nambat 83, bangbanga zui hi.
(a) Tua ciangin, ah'tunga, Numbat
128, a, ih ci sa bangbangin, Mi
khat in, Mi khat kiang a, ah'sum
a, ah'lei tawi laitak a, hipa in,
awng pia zo kei leh, ken, awng
pia nin ci'a Sum lakpa tang,
a, ah'kih kham awmte ah'ni,
ah'kha cin ni'a ah'leiba pan,
ah'piak zawh kei leh ah'kih
kham pan loh hi.
140) Kuamah peuhmah in, Mi khat
kiang a bangzah bangzah hi ta leh,
Sum leitawi a, bah nahpi a, ba kei
ci, ah'hi zawngin ah'pia nuamlo
ah hi zawngin, ah'nial leh Thu
phuan pan, ah'thei Midang, ahlak
theih leh ah'tung a, Nambat 128,
bangbanga khen hi.
(a) Tua ciangin, Thu phuanpa in,
ah thei Midang ah'lak thei kei
leh, ah'Sum ah'lak pa tawh,
kih'khamin, Tui shia ah'dawn
nawp uh leh, dawn sak a, ah
lelh leh ah'ngeina bang a liau hi.
25. GAN TAI MAT THU
141) Gan tai thu panin, ah'gan nei ten ah'mat man ah'nuai ah kih'at
bangbang a, tan ding hi.
(a) Shial, Lawi, Bawng SahKawl,
Tuateng, khat tung a, Dangka
pek-khat pia hi.
(b) Kel, vawk, Tuateng khat tung a,
Dangka-hamu pia hi.
(c) Ui khat tung a, Mat khat pia hi.
26. SALIANG MAN, TANNA THU
142) Gam Sa-liang leh In sa-liang man
tanna, ah'nuai a, kih'at bangbang hi.
(a) Tung shial, Zang shial liang
teng liang, khat tungah, Dangka Sum
pek thum tek hi.
(b) Sahzuk, vum_ Ngal Sahza, liang
teng, liang khat tungah, Dangka pek nih tek hi.
(c) Sahthak, Sahkhi liang teng
liang khat tungah, Mat thum tek hi.
(d) Sahkuh, liang khat tungah,
Hamu tek hi.
(e) Shial, Lawi, Bawng, Sah Kawl
liangteng. Dangka pek nih tek hi.
(f) Vawk tukli tung shiah, liang khat
tungah, Dangka pek nih tek hi.
(g) Vawk tukli, liang khat tungah
Dangka pek-khat tek hi.
(h) Vawk tukli leh tuk thum kih kal
liang khatkhat tungah, Hamu
tek hi.
(i) Vawk tukthum nuai shiah liang
khat tungah, Mat khat tek hi.
27. Sum ki tawi Kum 3 ah phak leh ki ngah nawnlo ding zum awng paipih hangin, kikhen thei nawnlo ding hi. Sum neipa ding hi.
(Kam Hau Upadi laibu sung bangin kiteikhia ahihi. Editor)
Thu lakna : Zampi Centenary Jubile
Crd:
No comments:
Post a Comment