Wi-Fi hawmkhiatna part A, B, C
Wi-Fi i hawmkhiat main amasa in Wireless thu tawm beek theih huai masa ding hi. Wi-Fi gamla simsim ah hawm khia nuam i hih leh ol no takin ngaihsut ding khat ah Wireless Router a om Antenna te in pi 500' ciang bang bek kingah thei ahih manin
gamla pi a puak zo ding Antenna agol lei in Wireless Router tawh zop ding ngaihsun ding hi hang. Tua Antenna i lei ciangin Omini te, Directional te, dBi cih Science laimal te tawh pello phukha ta ding hi hang. Tua bek hiloin Outdoor Antenna leh Indoor Antenna cih te zong kilam dangh toto lai ding hi.
A tamzaw mi zat deuhdeuh te in TP-Link Outdoor Antenna ANT-2421D te en phot ding hi hang. A nuai a hong lak lim in ANT-2421D ahi hi.
Hih lim i et ciangin tong khat khawng ding kingaihsun thei hi. A taktak in din tan bang a sau ahi hi. Hih Antenna in Wireless Router tawh zom le hang i hawm khiat Wi-Fi Area gamla pi va tung zo ding hi.
A ma i Specification in anuai a bang ahi hi.
Specification ah adiakdiak in i et ding ah Gain ahi hi. Hih Antenna i Gain in 15 dBi ciang bang ki ngah hi. dBi i cih in decibel isotropic atom lak min ahi hi. decibel i cih in AW khat i a ngaihna, leh adaaihna te tehna unit khat kici thei hi. dBi Unit in Ominidirectional Antenna te ading atehna unit ahi hi. dBi aman tam semsem a line mat theihna, puak theihna mun leh mual zaii semsem cih bang dan ahi hi. A zenzen in kim leh paam a gamla ading Wi-Fi i hawm khiat nop leh dBi a man tawm Antenna te zat huai maw? A tam man Antenna zat huai zaw? A tam man dBi mah zat huai zaw cih ahi hi.
Lam khat leu2 ah dBi tawm man te zangh le hang agam latna tawh kisai zong hi pah tuan lo hi. dBi atam man te in gamla pi puakkhia zo, hawm khia zo cih theihna om pah tuan lo leuleu hi. A mat theihna, ahawm khiat, apuak khiat zawhna pen Beamwidth en aa khensat theih hi zaw hi. Hih Anttenna ah a Beamwidth in horizontal 360' (degree) kingah in, vertical in 9' (degree) bang kingah hi. Cih nopna ah Antenna i horizontal om zia zui in 360' (degree) kingah ahih manin amai leh anung pan man le hang nuamtak ki ngah ding cihna ahi hi. A hih hang Antenna i Vertical om zia zui in man le hang 9' (degree) sung ah ki manzo kingah zo ding cih na ahi hi.
Tua ahih manin hih Antenna in Omini Antenna kici hi. 360' (degree) sung man thei puak khia, hawm khia thei cihna ahi hi. ref:itmen Part B zop beh ding
Wi-Fi Hawmkhiatna Part B
Part A lai in Wi-Fi agam lapi tung ding na deih leh Wireless Router ahih kei leh Access Point leh Omini Antenna zat khop ding gelh khia hi hang. Tua te nih thuah in zang khawm ding hile hang koi ci thuah, buah ding cih te en to ni. Wireless Router ah Extermaø Antenna tawh zopna ding Connector aom kul hi. Antenna pan hong pai khia ding Cable khau pan aki bulh, zopna ding Connector in RP-SMA ahih kul hi. Tua RP-SMA in Wireless Router or Access Point i Connector pen direct in zom thei lo ahih man hi.Wireless Router or Access Point in Connector pen Pigtail Cable tawh amasa in zop ding ahi hi. Zawh teh Pigtail Cable leh Antenna in Cable tawh zop sawn leu2 ding anuai a lim bang en in.
A tung a hong kilak lim bangin i zop zawh ciangin Access Point or Wireless Router i Setting bawl ding kisam hi. Gen nopna in tu in External Antenna tawh zom khin i hih manin Default antenna pen zangh nawnlo in External Antenna bek tawh nasem in ci aa i theihsak ding kisam ahih man hi.
Tua ading in Brower khat hong inla Wireless Router or Access Point i IP pen i gelh khit teh Login in. Zawhteh bawlpha in (Wireless group sung pan Antenna zongin la na muh teh External ci in khekin Save mek in.)
External Antenna tawh zop khit ciangin na Wi-Fi in bang tan ciangh tung zo, puakzo ding cih theinuam ding hi teh. Wi-Fi in agam la pi pekpan aki manzo ding cih pen aki puak, hawmkhiatna lam pan aman ding te lam zong anih in thupi tuak hi. Laptop a om Wi-Fi Adapter tawh man ding na hih leh ahawm khia lam pan in van hoih atam man tawh hong hawm khiat hangin agamla pi pek pan ki man zo tuan lo ding hi.
A hangin hong hawmkhiatna lampan hilo aa Laptop sung a om Wi-Fi Adapter hang ahi hi. Tua ahih manin aman ding te lampan in Gain atam/sang CPE or USB Wireless Adapter cih te khat peuhpeuh tawh na mat ciangin agam lapi pek pan ki man zo ding hi. TP-Link Product te adeih te ading amau Official Website sung ah Distance Calculator cih Web Application khat hong pia hi. Tua te en in ei lam pan bang Antenna te tawh hawmkhia ding aa, khat lam pan bang Antenna te tawh man kik ding cih te agamlat na koi ciang huam zo cih te hong calculate sak ding hi. http://www.tp-link.com/support/wireless_calculator/index.asp
Lim sung ah Wireless Calculator hong lak hi.
Ahawm khia lam pan leh a man ding lam pan in akizang ding device namte (Router or Access Point) a zat Cable, Antenna te teelna lel bek tawh bang tan huam zo cih te hong lak ding hi. Gentehna in aman te lam pan leh apuak te lam pan in TL-WR543G Wireless Router tawh Tl-ANT242D Antenna te zangh uh hi. Calculate hong bawl ciangin anuai abangin result ki mu thei hi.
Result te i et ciangin Wireless in 11g tawh hawm khia leh atam pen 0.3 mile ciang kingah ding aa 11b tawh hawm khia leh 0.5 mile ciang ki ngah ding cih a ma Theory hi. A hih hangin b tawh i hawmkhiat pen gamla pi tung zaw ahih tei sam hang Speed leu2 1 Mbps bek ki ngah ahih lam theih huai hi. Atung a Result in Transmit leh Receive lam WR543G bek zangh ahih man in hih ciang gamlatna ki ngah ahi hi.
Part C sung ah hih te sang gamla zaw puak nuam leng bang vante zang ding cih hong gen zom to lai ding hi. ref:itmen
Wi-Fi Hawmkhiatna Part C
Nung in ah Router leh Antenna tawh thuahin Wi-Fi hawm khiat ding gelh khin ta hi hang. A tatak in ci leng kawlgam sung a aki zang te bel hih bang dan hi lo hi. CPE bung zangh in Wi-Fi hawmkhia hi. Hih sungah CPE bung zang a Wi-Fi hawm khiat na thu hong gelh ning.
CPE i cih in Customer Provision Equipment atom lak ahi hi. Hih bang van hong om kum lang bang bek hi pan hi. Hih van in Wireless Signal te man thei, hawmkhia thei Outdoor a zat ding ahi hi. Antenna te tawh akibatloh na in dbi tam ahih manin gamla pi hawmkhia zo hi. A thupi pen ah Point to Point a zat tam zaw hi. A hawm khia lam pan CPE bung khat khuam dawn ah koih, a man lam pan CPE bung pen khuam dawn mah ah koih leng a tawm pen 4 miles gamla tan bang ki ngah hi. CPE i cih pen anuai a lim abang ahi hi.
Antenna khuam tawh akibat lohna in Antenna khuam in kim leh paam mun khempeuh Wi-Fi Signal hawmkhia thei, man thei ahi hi. CPE ahih leh hong paina, mun khat bek mah man thei, hawm khia thei cih bang ahi hi. Tua ahih manin CPE pen Directional kici zaw hi. Internet Cafe khat pan kiim leh paam mun 4 bang Wi-Fi hawmkhia nuam, gamla pi tungsak nuam cih bang i hih leh CPE bung zat ding lem zaw hi.
CPE bel thuah dan zong ol mahmah hi. Khat na ah Router tawh CPE pen CAT 6 wire khau tawh zop ding ahi hi. CPE i lei ciangin POE(Power Over Ethernet) Adapter hong kithuah ding hi. Router a wire khau tawh POE Adapter i LAN vang ah zom in thuah ding ahi hi. POE Adaptor ah zong adangh POE vang leh CPE bel CAT 6 wire khau zang in zop ding ahi hi. Anuai a lim bang ahi hi.
Lim a i muh mah bangin i zop zia, bulh zia te na man takteh Setting i bawl ding kisam lai hi. A thupi pen Mainpoit bel in ahawm khia lam pan in CPE in AP Mode tawh hawm khia ding hi hang. A man lam ding lam te in CPE bel AP Client Router Mode tawh man ding cih bangin Setting bawl ding i hi hi.
Setting bawlphat ciangin khatna ah Computer i IP in 192.168.1.x mun ah na deih number guang in. Subnet bel angei mah bangin 255.255.255.0 ahi hi. Na man ciangin CPE bel Computer tawh zom in la Browser khat peuh2 tawh hong in. CPE i Default IP ahi 192.168.1.254 guang in. username leh password hong nget leh admin admin ci in guang in.
CPE Configuration sung alut ciangin veilam a Wireless mode tel in. Zawh teh ziatla (taklam) a AP mode tel in. Tua hi leh ki zangh thei ta ding hi. A man lam te in hih bangin AP Client Router mode tel ding ahi hi. Part D zop lai ding....
No comments:
Post a Comment