Zam Thang Samte

Gmail Password ongki guksakleh zonkik danding

ZomiDaily :: Ihtheihsa mahbangin Google pen company minthang mahmahkhat hi a, abawlkhiat uh Products zong tampitak kimuthei hi. gmail"List of Google Product" ci'n hih http://en.wikipedia.org/wiki/List_of_Google_products panzong akimtakin ki enthei a, tua Google Products tenglakah adiakdiak in ei Zomi te'n Gmail, Blogspot, Picasa, Youtube, Chrome cihte kilimzat phadiak hi. Google Products tuamtuamte lakah Account khat ihbawlnakleh adang Products te ahzong tua ihneihsa Account Details mahtawh akilutthei ziauziau dingin Google te'n a Integrated sa uh ahihi. Gentehna: Gmail ihneihleh tua Gmail Details tengmahtawh Blogspot, Picasaa, Youtube etc... cihte ah kilutthei hi.

Tulam ciangin Zomi sungpan Gmail Password amangsak leh aki hack cihbang tuamtuam ihzathei zel hi. Tuabangin Gmail Password amangsakte'n azonkik theihnading in Step 2 in ihkhending a, First Step leh Second Step ihci dinghi.

Na Gmail bawllai-in napiak ahi Security Question leh Secondary Email te naciaptehtheih laileh namansak, ongki hack sak Gmail Password te olno takin kizong kikthei khading a, tuapen First Step ihci dinghi. Amasa penpen First Step tawh Password zonkik nadingin hih https://www.google.com/accounts/recovery pan Recovery kibawlthei hi.

First Step zatdanding anuai abang ahihi.

• 1) Atung a link nahonkhit ciangin "Email address" acihna box sungah na email nagelh masa inla, anuai ah "Submit" namekding hi.
• 2) Tuakhit ciangin "Captcha Security Code" laimal ongsuak namuding a, tuanuai a box sungah namuhdan lianlian in nagelh leuleu inla, "Continue" namek in.
• 3) Hih Step natungciangin Gmail nabawllai-in "Security Question" natheihlaileh ahih keileh na "Secondary Email" nahontheih laileh hamsalo takin na Gmail Password kingahkik theiding hi.
• 3A) Security Question ah nadawndan naciapteh theihlaileh "Answer my security question" cih Radio Button namek inla, box sungah nagelhkhitteh "Continue" namek lecin na Password nalaihthei pahding hi.
• 3B) Secondary Email pen nahontheih laileh "Get a password reset link at my recovery email: ••••••@gmail.com" cih Radio Button namek inla, anuai a "Continue" namek lecin na Password laitheih nading email khat na Secondary Email sungah onglut dinghi. Tuapanin na Password nalaihthei pahding hi.
• 3C) Atung a tegel tawh nasinhang Password ngahkikzo nawnlo, ahih keileh anihin theinawnlo nahihleh "I no longer have access to these" cih natel kulding a, tuakhitciang anuai ah "Continue" namek lecin Second Step kacihpen ongtunpih dinghi. Adiakdiak in Gmail Password kiguksak, ki hack sak cihtepawl in hih "I no longer have access to these" telding ahihi. First Step tawh na Password nazonkikding alemkeileh hih anuai Second Step tawh nasin leuleu in.

Second Step zatdanding anuai abang ahihi.

• 1) https://www.google.com/accounts/recovery/knowledgetest ah nalutciangin na Gmail tawh kisai dotna tampi omding a, na theihciannawn keilehzong akinaithei penpenin nadawnding thupi mahmah hi.
• 2) "An email address we can use to contact you*" acihna ah namansak Gmail pen hilo a, tulaitak nazattheih email khat nagelhding ahihi.
• 3) "Re-enter email address*" ah atung a nagelh email penmah khatvei gelhkik in.
• 4) "Describe the problem you're experiencing*" ah na Password mansakna thu 3 lakah akituakpen khat natel in.
• 5) "Do you use Gmail with this account?*" ah Gmail zatleh zatloh ongdong ahih manin, "Yes" pen namek in.
• 6) "Do you use Orkut with this Google Account?" ah na Google Account tawh Orkut nazatleh zatloh ongdong ahih manin, akituakpen nadawng in.
• 7) "Do you use Blogger with this Google Account?" ahzong na Google Account tawh Blogger nazatleh zatloh ongdong ahih manin, akituakpen nadawng in.
• 8) "Google products you used with this account and the date you started using each one" cihpen na Google Account tawh Google Product nazatngeiteng leh nazat kha/ni/kum te ongdong ahihi. Gmail bek nazatleh Gmail bekmah telding hipah a, kha/ni/kum te natheicianlian keizongin akinaithei penpending ngaihsun inla natel in.
• 9) "Account creation date*" Na Google Account nabawl kha/kum te ongdong hi a, natheihcianlian keilehzong akinaithei penpending ngaihsun inla natel in.
• 10) "Last successful login date" Gmail nazat nunung kha/ni/kum ongdong hi a, natheihcianlian keilehzong akinaithei penpending ngaihsun inla natel in.
• 11) "Last password you remember*" Hihpen na Password zat nunungpen nagelhding hi a, na gelhkhialh lohding kidawm mahmah in. Hih na Password lui-in na Gmail pen nang aa taktak hi cih tehci alakding ahihi.
• 12) Hih atung ateng natheihtawp Best Knowledge in nagelh khitciangin, anuai penah "Submit Answers" cih namek dinghi. 

Google Technician te'n na Gmail Information teng limtak a etcian khitciangin atung a email napiak penah ongzasak kikding uhhi. Banghun ongzasak kikding cihpen Google Technician te etcianna tungtawn hiding a, ni 2 pan kalkhat bang kaithei hi. Google Account, Gmail Account ongki hack sak, Password ongki guksak ciangin hih atung a Step 2 te lobuang, adang tampi ki panpih theihnang omlo cihding himai hi. Zomi khatpeuh in phattuamna a ngahding lam etna lianpi tawh, Zomi Daily